成功造人法寶 🌟

有小朋友係唔少夫婦嘅心願💑,除咗傳統醫學方法提升懷孕機會,亦可透過日常飲食、食療,甚至良好生活習慣打造出容易懷孕體質,以下知識同心得由幾位註冊中醫師同大家分享。

中西醫睇不孕問題

冇避孕嘅夫婦,如果已同房1年或以上,仍然未能懷孕,就算係不孕或不育。

婦產科專科醫生指出,導致不孕嘅原因包括 :

  • 男方精子質素或數量有問題
  • 女方輸卵管受損、排卵障礙、卵巢功能不良
  • 女方荷爾蒙濾泡刺激激素(FSH)或泌乳激素(PRL)過高 ⬆️
     

最常見嘅西醫治療方法有藥物或手術治療、子宮內授精、體外授孕等。
 

張琛醫師解釋,中西醫治療結合係比較有效嘅方案👍,如西醫用陰道超聲波做檢測,中醫用中藥平衡內分泌、改善卵巢功能同卵子質素,可大大增加懷孕機會。

想有BB要留意 ...... 🙋‍♀️
 

食越多補品越易有BB ?

張醫師 : 唔係。好多人捻住補多啲可以易啲有BB,但原來唔係所有補品人人都啱食。好似花膠咁,有排卵問題嘅女士食咗,會惡化排卵時「黏住、谷住」嘅問題。

 

紅棗水可以幫助懷孕 ?

呂澤康醫師 : 未必。飲紅棗水要小心,因為紅棗性味屬甘溫,脾濕人士唔適合服用。曾有脾濕患者每日飲紅棗水,導致長期不孕
😱,但一停飲就有BB,所以要特別留意。

食沙律、飲凍野冇問題 ? 🍹


翁紹評醫師 : 對想有BB嘅女性係大忌,沙律凍野飲都係寒涼食物,長期食會令氣血循環唔好,會消耗體內嘅氣,子宮環境就唔好,難有BB。
蔬菜最好煮熟先食,同時避開食寒性蔬菜,如筍類、空心菜、大白菜、白蘿蔔。

 

食生果同飲奶嚟保養身體 ?


翁醫師 : 好多女士都覺得食生果🍌有營養又健康有助增加懷孕機會,一日三餐都食,但原來好多生果都偏寒涼,有啲生果就糖份過高,形成痰濕。

痰濕體質會令體內濕氣重,受精卵就難著床。醫師建議1日唔適宜食超過一細碗 (大概4粒提子加半條香蕉),最好下晝前就食完。而飲牛奶都會造成痰濕,亦要飲少啲。
 

食油炸、辛辣、烤焗食物會影響懷孕 ?


翁醫師 : 以上食物會令體質變燥熱🔥,津液、水份不足,形成陰虛體質。子宮環境變乾燥,令卵子變得乾扁。

當精子進入子宮時,會因為環境燥熱導致液化困難,未去到輸卵管就已經陣亡。就算能夠順利受精,都會著床困難。

「以清為補」助孕飲食法✔️


翁醫師提出想有BB,用「清補」方法效果最好,即係食清淡、性味甘平嘅食物如菠菜、紅蘿蔔、番薯、蘋果、木瓜、提子🍇 ; 同時食多啲滋潤、含豐富膠質食物,好似雞腳、海參、秋葵、木耳等,有助調節體內荷爾蒙,令子宮壁健康。

另外,醫師提醒想懷孕要避免生酮飲食等偏食飲食法。想食保健食品,葉酸、維他命B、鐵質都可適量攝取,藥膳、補品就唔食都得⛔️,飲食以清補為主。

 

6招培養適合懷孕體質 💞

 

翁醫師表示,就算年紀漸大,如果經常維持到卵子品質高,同子宮氣血循環好。都可以唔難有BB :

 

第1招 : 減低壓力
 

卵子、精子承受壓力嘅能力只有普通細胞嘅十分一👀,就算年紀輕,但假如長時間捱夜、生活壓力太大,咁卵子品質就會下降,不利懷孕。

 

第2招 : 避免接觸環境荷爾蒙
 

環境荷爾蒙包括裝修用嘅有機溶劑、易潔鑊表面嘅全氟碳化物、膠袋嘅塑化劑,多數都係脂溶性,進入人體後,更易啟動凝血反應,造成血栓而不利受孕🤦‍♂️


第3招 : 暖水袋跟身
 

體質偏寒嘅女性,除咗經期,平時都可以多啲用暖水袋暖住腹部,刺激氣血循環。

第4招 : 冬天少啲著短裙、短褲 🧍‍♀️
 

中醫認為「風為百病之長」,冬天更要避免冷風直接吹到腹部同皮膚,令子宮受寒❄️

 

第5招 : 用艾葉浸腳
 

艾葉☘️可以溫經散寒、行氣止痛,係助孕效果好好嘅藥材,能溫暖子宮,去除體內濕寒之氣。

可以喺藥材舖買20克艾葉,再加500毫升水煮成汁倒入澡盆,跟住用40度暖水加入浸腳。建議飯後一小時後浸30分鐘,浸到微微出汗就最好💧

 

第6招 : 艾條薰穴位

點燃艾條,對住肚臍下面嘅氣海穴炙同關元穴薰熱☀️,但係唔好直接接觸肌膚。每次可做10至20分鐘,每2日一次,經期時唔好做。

艾條薰穴位 (來源 : 網絡圖片)