以下係過往客人常問關於花茶飲用嘅問題，你可以花幾分鐘時間睇睇。有任何其他問題，都好歡迎你隨時提出：

花茶要用幾多度水沖泡?

大部分花茶（例如菊花、金盞花、玫瑰花等）最適合用80°C至90°C嘅熱水沖泡，呢個溫度可以有效釋放花茶嘅香味同活性成分（如多酚、抗氧化物），同時避免燙傷花瓣或葉片，影響口感同功效。花青素含量高嘅花茶，例如桑椹子、蝶豆花，就建議用不高於60°C嘅暖水沖泡，以免破壞花青素。

花茶可保存幾耐？駛唔駛放雪櫃？

花草茶材料屬全天然，無添加劑、無防腐劑，建議存放喺陰涼乾爽嘅地方。請於3-6個月內飲用，以確保最佳效果，放太耐嘅材料會退色退味，降低食材原有嘅功效同香味。夏天或天氣潮濕時，請將含有天然果糖嘅產品（例如桂圓、杞子、雪梨片、桑椹子等）放入雪櫃低溫冷藏，以防變質。

一日可以飲幾多款花茶？

無特定規限，一般來講單一花草材料可以同時配搭三至四款，以達到所需效果；而複方花草茶已經預先配搭好合適份量，建議一日兩款為限，亦請分開時段飲用。有時候，身體可能會同時出現唔同症狀，我哋好想一次過解決曬所有狀況。而花草茶並非特效藥，需要時間畀花草精華喺身體發揮作用。我哋可以問問自己當刻最想處理邊個身體狀況，先飲用其中一款，過兩日再飲其他。

飲幾耐見效？

花茶運用得宜，可以有即時嘅療癒效果。例如「排毒養顏茶」，如果當刻身體排便不順，或有宿便，飲完可能即時有便意，幫助身體排走毒素。例如「止咳孖寶」，飲用後喉嚨會馬上舒服咗。呢啲都係花茶嘅天然療癒特性，能夠針對當下嘅不適，幫助身體即時舒緩。然而，身體狀況人人不同，有些人好轉反應較慢，或者情況較嚴重，有些則係身體長久以來積累嘅問題，需要較長時間處理。花草茶嘅天然力量，正正就係幫助身體慢慢回復平衡嘅狀態。所以，如果想改善體質或提升免疫力，就需要持之以恆咁飲用，同時要配合適當飲食習慣、足夠休息及良好生活習慣，達到長遠保健效果。

飲咗花茶會唔會瞓唔著覺架？

花茶全無咖啡因，唔會令人瞓唔著，反而有機會改善睡眠質素，特別係有放鬆神經作用嘅花茶，例如玫瑰花、洋甘菊、薰衣草等。

小朋友飲得花茶嗎？

一般建議三歲以上小朋友可以飲用花茶。因為呢個年齡嘅小朋友飲完有咩感覺都已經識得表達。如果小朋友腸胃一向都好正常，家長可以就個別小朋友情況自行判斷。幼兒試食新食品，可先試少量，無特別敏感反應才慢慢加量，咁就更加安心嘞！

男士可以飲花茶，例如薑棗紅糖茶，玫瑰花等？

我哋嘅所有花茶湯包用料配搭都好溫和，男女老幼都啱飲。

經期期間可唔可以飲花茶？

如果來經正常，無經痛，無血塊問題，基本上幾時飲都得。如有經痛、血塊問題，可以把握經期前後及經期期間，趁機飲返養宮系列嘅花茶、湯水，效果事半功倍！

孕婦及人奶媽媽飲得花茶嗎？

除個別註明孕婦不宜嘅花茶外，如果係懷孕前一向飲用開嘅花茶，繼續飲用問題不大。如果係第一胎唔清楚自己身體狀況，或頭 12 週未陀穩，唔建議嘗試新食物。跟據醫師建議，孕媽媽當刻嘅身體狀況同懷孕週數都會影響反應，不宜一概而論。如有疑問，建議先就個別情況請教醫師。人奶媽媽試新食品，第一次宜淺嘗，如果BB冇特別反應，先慢慢加份量會更加安心。

有無咩體質既人唔飲得花茶？

我哋所提供嘅花茶都係好溫和，刻意排除味道同藥性比較強嘅材料。幾多錢幾多分，用料、配搭都係講究嘅，基本上絕大部份人體質都啱飲。

我怕寒涼野，有咩花茶要避開？

「避開寒涼食物」呢個諗法喺坊間相當普遍，「寒底熱底」概念亦根深蒂固。首先，身體冇絕對嘅寒底熱底。身體嘅寒熱會因作息、飲食、天氣而改變。而每個人嘅體質亦唔係簡單寒熱二分法可以說明一切。建議可以感受一下身體當刻嘅狀態：當身體偏熱，宜食用清熱食材如金盞花、羅漢甘果、菊花等；當身體偏冷，就宜食用提溫食材如薑、杞子、桂圓等。身體處於平衡狀態就最健康舒適嘞。可參考李宇銘博士，香港中文大學中醫學院講師，關於食物寒熱對現代人嘅飲食影響：http://leeyuming.com/食物寒熱真那麼重要嗎？/

良茶坊花茶產地？

我們現時供應的花草材料來自世界各地超過20個國家。例如：

接骨木花：德國，保加利亞

洋甘菊：英國，德國

金盞花：意大利

玫瑰花：法國

博士茶：南非

枇杷茶：日本

蝶豆花：泰國

杞子：中國寧夏

羅漢甘果：中國廣西桂林

我們會與各在地供應商/農戶保持緊密聯繫，確保貨源質素，個別產品亦會通過當地有關機構檢定。

良茶坊有無其他寄賣點？

為確保產品質素，除咗網站及觀塘門市外，我哋並無喺任何地方寄賣。我哋嘅花茶無防腐無添加，因此我哋非常著重儲存及銷售環境。大部分產品都係小批量製作，務求將最新鮮嘅材料交到大家手上。近年我哋發現一些品牌名字、產品名稱、產品描述、產品圖片、包裝設計等非常接近，甚至直接抄襲我哋嘅產品。各位請留意，以免誤購劣質產品。商戶如有興趣，歡迎交流合作。

良茶坊客服 WhatsApp: +852 6464 9105

💊止痛藥背後的真相：止痛藥背後的真相：盲目依賴？治標定係幫兇？https://www.leungchafong.com/pages/paracetamol

👶🏻點解小朋友夜晚咳得特別勁？ https://www.leungchafong.com/pages/childsick

🌼金盞菊的神奇功效：舒緩敏感，濕疹好幫手！ https://www.leungchafong.com/pages/20160904

🍹夏日消暑迷思：凍飲真係無益？中西醫拆解凍飲攻略 https://www.leungchafong.com/pages/healthy-drinks-summer-fun

⭐️ 祛濕健脾湯水食材大集合 https://www.leungchafong.com/pages/dampnessfood