養血補氣 💨  為身體叉電⚡️ 防治心血管疾病 ❤️

面色唔多好🙈、瞓極都好攰，甚至行多兩步都唔夠氣頭暈暈，有機會係唔夠氣血 ! 如果長期唔理，唔單止影響精神，仲可能會提升患上心血管疾病機會⚠️  ? 一齊聽聽幾位註冊中醫師嘅分析啦！

夠唔夠心血，睇面色就知 ?

《黃帝內經》記載：「心主血脈，其華在面。」李醫師指出，心臟主管全身血脈，而臉部😊係全身血脈最集中嘅部位，所以如果心血充足，面部皮膚就會有光澤同彈性。假如人體血不足，皮膚、肝臟、心臟都會受到影響 :

皮膚

失去光澤、乾燥🍂、出現黑斑、皺紋

肝臟

引起肝血虛，會眼乾、視力模糊、頭暈、耳鳴、月經量少、面黃

心臟

引起心血虛，會心悸、失眠、虛弱💫、胸悶胸痛、免疫力降低

而唔夠血唔係女性嘅專利，男性都會，需要養血嚟調理。

🌈  養血3步曲 🌈 

李醫師建議，要養好身體嘅血，可以由以下著手 :

1. 先補氣

中醫認為︰「氣為血之帥，血為氣之母。」說明氣血係同源，兩者有關係。

例如當脾胃氣虛時，消化吸收就唔好❌，就算食再多補血藥，都吸收唔到。
 

2. 調理脾胃

脾胃為氣血生化之源🔆，如脾胃虛弱，氣血生化不足，想食中藥補到氣血都好難。

3. 多食補血食物

車厘子🍒、提子、桂圓、黑芝麻、豬肝、豬血、瘦肉、紅糖、甘蔗汁、菠菜、番薯葉等都係補血食物。

 心血管疾病同氣血變化有關 ? 

早前，台灣藝人小鬼黃鴻升因為主動脈剝離病發去世，心血管疾病再次引起大家關注🙆‍♀️，原來心血管疾病亦包括高血壓、中風、心臟病等病症，同氣血變化大有關係。

高血壓

係指血壓持續處於高水平😡嘅一種慢性疾病，以成年人來說，若收縮壓持續處於140毫米水銀柱（mmHg）或以上，或舒張壓持續處於90毫米水銀柱或以上，就係患上高血壓。

而高血壓病屬於中醫「眩暈、頭痛」病證範疇，病位喺心、肝、脾、腎，分為心脾血虛同肝陽亢盛，藍博士建議治療時要養血安神🙌。

中風
指腦部血管阻塞或爆裂，令腦組織部分神經細胞壞死，嚴重者會昏迷或死亡 ; 中醫認為，患者係因為氣血虛衰而發病。
 

心臟病
中醫學屬於胸痹、心痛，係一種氣機不暢👀、心脈失養嘅疾病。藍博士解釋心臟病病位在心，同肝、脾、腎關係密切，胸部悶痛、心血虛為主要病徵💣，治療方法按照唔同病發階段而定，如用行氣和血或祛寒活血等方法。

許醫師提醒，心臟功能唔太好嘅人士，體力精神容易受影響，仲會令睡眠品質降低🥱，記性變差，建議平時可用麥門冬（量約6指節）、黨參（6指節）、番紅花（1指節）沖350 毫升熱水一齊飲用，達到養心、補氣、化瘀效果。

黨參補氣又補血 👍

陳醫師提出，黨參係中醫常用嘅補氣藥，功效同人參相似不過較其弱，但藥性較平和，不溫不燥，冇副作用，一年四季都能服用。

補氣虛

好多人都有氣虛問題，原因好多，如工作壓力大💢、精神長期緊張、缺乏運動、生活習慣唔規律等。此外，性格內向、情緒不穩定、容易激動或情緒常處於低谷，都會影響到身體嘅氣機，出現氣虛。

黨參能紓緩氣虛症狀如大便稀溏、四肢無力、食慾不振、氣短 ; 黨參都可以補血，對於血虛病徵如口渴、頭暈眼花🔱、面色蒼白、便秘等症狀都好好嘅治療效果。

補血虛

血虛成因包括勞累過度、過度偏食、節食造成嘅營養不足，以及手術或大病初癒後等。

注意煩燥易怒人士忌服⚠️，否則可能會出現上火狀。

北芪能補中益氣 ♻️

鄧醫師介紹，北芪，又稱黃芪，味甘性溫，歸肺、脾經，被稱作「小人參」，唔單止可補氣，仲對脾胃非常有益☀️ :

1. 治療脾虛症狀

脾虛症狀有無精神、消化不良等症狀，北芪能補中益氣。如服用北芪同時加入黨參、茯苓、白朮，可加強效果⚡️。

2. 助降血壓

北芪有助擴張血管、降血壓同預防中風，適合高血壓患者服用。

3. 美容養顏 🥰

氣血虛嘅人，平時會臉色蒼白、腸胃差，血色不足，面色唔好。北芪益氣，可改善氣色、潤澤肌膚同去濕。

資料來源

氣血調理好 皮膚紅潤不易老！中醫提供補血養氣3妙方   李應達中醫師

預防心肌梗塞中醫4大招：養心茶化瘀血，按穴道提振心臟功能   許懿心中醫師

中醫把脈心血管疾病 病種多務必注意防治   藍永豪博士

【黨參茶】補氣補血增免疫力4款食療　忌與西蘭花橙同吃1類人不宜   陳梓軒中醫師

【北芪水】補氣降血壓5款茶療　北芪「小人參」功效與南芪有別？  鄧蕙盈中醫師