目錄 登入會員 購物車 {{currentCart.getItemCount()}}

重溫友情歲月 賀年送禮佳品

又到年尾啦!大家記唔記得細個,每逢新年前就會跟媽媽去超級市場買禮物呢? 嗰條排隊包花紙嘅隊長到呢!呀三姑婆冇牙,我地會送盒嘉頓雜餅比佢。 二伯公個仔鍾意食朱古力, 我哋又會送盒吉百利旋風朱古力比佢一家大細。 而我自己呢, 就最鍾意食麥麗素!「 麥麗素,送禮好!禮到心又到!」 未聽過?!唔緊要,去片!

以前家中經濟環境不是太好, 阿姨又知道我們喜歡吃朱古力, 只能負擔猶如麥提莎翻版的麥麗素。阿姨的心意, 現在仍很感激!
 
你細個又最鍾意收到咩禮盒呢? 花街朱古力? 定係藍色罐嘅曲奇?回想起當年, 一收到禮盒, 就會趁阿媽睇唔到, 偷偷地撕開花紙一個角仔, 睇睇係咪自己喜歡既東西! 那種戰戰兢兢, 卻充滿期待既心情, 實在令人回味無窮! 
 
時移世易, 宜家社會物質豐富, 收到盒朱古力已經唔再係咩大歡喜。 相反,宜家潮流興健康, 新年收到盒糖嘅話, 怕且都係淪為環保回收禮物, 一手轉一手, 圍繞地球行咗一個圈, 最大鑊係最終盒糖傳返嚟自己嗰度! 送禮要健康, 坊間有不少選擇。但送禮之前, 如果能夠細心諗一諗收禮人既需要, 送禮之餘加上窩心的問候, 讓他感受到你的關心。 這就是新年一家人齊齊整整,聚首一堂既意義吧!