養生茶飲趕走冷氣病 🍵

「未食五月糉,寒衣未入櫳。」呢一句今年好似唔太適用,端午節前2個月已經頻頻掛酷熱天氣警報🔥,天氣又濕又焗,唔少人公司涼完冷氣,夜晚都要再開先瞓得著。原來長時間留喺空氣唔流通同乾嘅冷氣地方,可能會患上冷氣病。

陳俊傑醫師指出,夏季嚟求診人士分兩類
✌️,一係受外在環境,如天氣影響而染病,二係生活習慣唔好,飲太多凍飲、食太多生冷食物、同長吹冷氣。患者可能會出現皮膚、頭痛、面癱等健康問題。

你有冷氣病嗎 ?

陳玫妃醫師表示,中醫角度認為冷氣係外在寒邪 ❄️、風邪,若入侵人體,會導致血氣凝滯、血液循環變差,就會產生唔同程度不適。

如果加上平時冇運動習慣,新陳代謝偏低,咁對氣溫嘅調節能同適應力亦會較低,令寒邪、風邪更易積聚體內。

冷氣病7 大症狀有頭痛、口乾舌燥、眼睛乾澀、皮膚乾癢、鼻過敏、氣喘同關節筋骨痠痛,影響全身。

 吹冷氣引致面癱 ? 💢

 
比較多20歲至30多歲人士患上冷氣病,因為佢哋冇察覺自己身體開始變弱,但相比下中年人士反而更懂得保養身體,冷氣大時會主動著外套。
 

而冷氣直吹身體唔同部位,初初可能只會影響嗰個位置嘅氣血運行,但如太長時間吹住,就有機會傷害部分經絡。陳俊傑醫師解釋長期吹冷氣對唔同身體部位嘅影響 :
 

1. 頭頸

痛症可能突然出現,引致頭痛、頭暈或頭麻 😷,嚴重會影響睡眠、精神難以集中。若只係吹短時間,飲薑水、香茅茶能驅寒暖胃,但若公司坐正風口位,就要加冷風檔或調位,避免直吹身體。
 

2. 胃腹

有機會引起腰痛、肚瀉、肚痛同加劇經痛。如避唔到就要用雙手或衣服擋肚取暖,以免冷親腹部。
 

3. 

有可能誘發面癱,會歪嘴、雙眼難以閉合,流口水🤤、半邊臉癱瘓郁唔到。近年患上面癱愈來愈普遍,因為香港人經常休息唔夠、抵抗力差、壓力又大,如果加埋冷氣直吹,患上機會更高。

陳俊傑醫師提醒,唔少面癱患者亦會出現失眠、情緒差、抑鬱徵狀,當喺病發1星期內求醫,服食藥物同做針炙,最快1星期就可以改善病情。但若拖半年至1年先治療,康復時間要花上兩倍以上
🙋‍♀️

針灸面癱 ( 圖片來源 :  ETtoday )

4招踢走冷氣病 💪

想避免冷氣病上身,陳玫妃醫師強調,就算夏天炎熱潮濕,都需要喺清晨、黃昏、夜晚比較涼快嘅時間去走動或運動🏃,等身體有機會出汗,提昇新陳代謝,增強體質,OL上班族可以做以下4招,防範冷氣病 :

1. 小心溫差
食飯時間,由火爐嘅天熱環境進入冷氣地方,人體會因為氣溫突然下降
⬇️,令體熱唔可以順利排出而積聚體內,形成陰暑。陳玫妃醫師建議入辦公室前,最好將抹乾汗水先入冷氣房,同時室內冷氣最好維持喺24至26度。
 

2. 注意保暖
涼冷氣時披上薄毯、薄外套,或是絲巾,離開辦公室就可除低。風扇冷氣唔可以直吹面部,要避開風位。

3. 穴位按摩
休息時間可以揉按合谷穴,促進頭頸血液循環 ; 或按風池穴,舒緩頭痛不適同頸肩筋骨痠痛。

 

4. 多飲水
喺空氣乾燥嘅冷氣房入面,需要定時補充水分,避免口乾舌燥
🥵同皮膚乾癢,而飲多啲水去排尿都係人體散熱嘅方式之一。不過,醫師提醒,補充水分要以室溫水、暖水為主,而唔係凍水,先唔會引致寒邪積聚體內。

風池穴 ( 圖片來源 :  www.epochtimes.com)

合谷穴 ( 圖片來源 :  TVBS )

 

以下茶飲有助舒緩冷氣病症狀✔️ :

< 薑棗紅糖茶 >


成分 : 老紅糖🍬、老薑絲、紅棗圈

功效 : 能袪濕、消脂、改善糖尿、高血壓、便秘等問題,女士經期期間飲用可軀風散瘀、排清瘀血、舒緩經痛,有補血暖宮作用。


< 袪濕健脾補氣茶 >

成分 : 炒薏米、南棗、紅棗、杞子  

功效 : 香港人身體普遍多聚濕,會易攰、有水腫、脾胃較差、肥胖、皮膚暗啞,令排出廢物同運送營養更慢。此茶不寒不燥,適合每天飲用,能針對冷氣病,改善脾虛、胃濕帶來嘅濕重情況。


< 袪濕消脂茶 >

成分 : 山楂、烏梅、陳皮、大麥茶、伏苓丁、玉米鬚
🌽、黃菊

功效 :
山楂 – 可消積化滯,適合因食太多肉而引起嘅消化不良症狀
烏梅、玉米鬚 – 針對高血壓、高血脂,可防治心血管疾病

持續飲用此茶,能調理腸胃、利尿通便,想減肥定增磅都適合。

圖片來源 :  daydaycook