🍓 🍈 🧄 五色食物養生法謬誤 ⚠️

無論係中醫學定營養學,食五色食物都被認為係養生方法🤗嘅其中一種,但睇落係綠、紅、黃、白、黑嘅食物,係咪一定有相對功效 👀?

五色食物養生法有咩好處?
 

譚莉瑛醫師指出,中醫中,五行嘅木、火、土、金、 水💧,相對嘅顏色係綠、紅、黃、白、黑,代表肝、心❤️、脾、肺、腎,對應季節係春、初夏、長夏、秋🍂、冬。雖然係分咗時節,但五色飲食著重均衡,按身體狀況進食唔同顏色嘅食物,會有更好養生滋補效果👍

1. 白
 

秋天🍁養肺,以白為主色。

味辛色白,屬金,能補肺、益皮膚、養腎、除脾病。

代表食物:奶、黃豆、白蘿蔔、杏仁、蒜頭🧄、薏米

 

譚醫師解釋,秋天燥氣容易誘發肺部同呼吸道疾病🤧,而肺屬金 ,所以就要食白色食物。例如杏仁可補肺 ; 肺功能唔好,易水腫💦,可用薏米煲水飲去濕。

2. 黑
 

冬天❄️養腎,以黑為主色。

味鹹色黑屬水,能補腎、益骨。

代表食物:冬菇、黑雲耳、木耳、黑芝麻、紫菜、海帶

 

冬天養生原則係潛藏陽氣☀️,而陽氣藏於腰腎,所以冬天最好提升⬆️腎臟功能,食黑色食物。而腎氣不足,就會令皮膚暗啞、冇精神面色差、黑眼圈🐼、四肢無力。

3. 綠
 

春天💐養肝,以綠為主色。

味酸色青(綠)屬木,能補肝、益筋、養心、主目。

代表食物:菠菜、西洋菜、西蘭花🥦、芥蘭、青瓜、冬瓜、綠豆 、奇異果

 

春天陽氣初盛係養肝嘅好時間✔️。肝屬木,對應綠色。譚醫師表示,肝鬱會令人鬱悶,相反肝火盛會令人暴躁😡,而食青綠色蔬菜可清心火同平復情緒;而食綠色食物亦能令繃緊肌肉同筋腱變柔軟,身體得到放鬆😉

4. 紅
 

夏天養心,以紅為主色。

味苦色赤(紅)屬火🔥,能補心、益血脈。

代表食物:番茄、紅椒、西瓜🍉、西柚、紅提子

 

紅色則對應初夏,身體容易出現「暑邪」及「濕邪」,最好食多啲紅色食物養心入血💪

 

5. 黃
 

炎夏💥養脾,以黃為主色。

味甘色黃屬土,能補脾、益肌肉、養肺、主四肢。

代表食物:南瓜、粟米、番薯、芒果、黃椒、紅蘿蔔、南瓜、 芒果、香蕉🍌、甘蔗

 

炎夏容易冇胃口,係因為脾胃虛弱,血氣唔暢順,長期係咁就難吸收到營養,譚醫師建議盛夏要補脾。而五穀喺中醫角度係屬於黃色食物,可以食多啲粟米粥🌽健脾。

係咪唔同顏色食物就一定係歸為五色食物? 🤔

 

五色入五臟 (五色者青赤黃白黑,五臟者肝心脾肺腎) 係一種養生理論,但有時會出現以下異常情況👻 :
 

紅色杞子 
能滋陰補肝腎明目
👁,功能上應該對應青色或黑色,而⛔️唔係紅色。
 

白色白蘿蔔
白色應對肺好,但白蘿蔔只能健脾,對肺冇大益處
😯
 

黑色豆豉
功效同腎功能無關

 

綠、紅、黃三色燈籠椒
綠、紅、黃理應入肝、心、脾系統,但實際上呢幾種色嘅燈籠椒,食用功效都係一樣
💢
 

黑朱古力 🍫
功效同腎功能無關。

 

黃㬢民醫師解釋👉,而家市面食物品種越來越多,唔少都經過加工同染色,食物本質同顏色可能都有所改變🙌


加上,進食後,營養經過五臟六腑,都會被吸收同帶嚟唔同功效,已經唔係只入一臟。除咗簡單用顏色🌈對應食物功效,亦可以根據氣同味去區分。氣指食物屬性,如寒涼溫熱平;味指食物五味,酸苦甘辛鹹💫