💓 腸道健康小貼士 - 你條腸屬於邊一類型？🤔

香港人生活壓力大，食飯又經常多肉少菜，加上而家天氣凍❄️更加少活動，容易出現便秘問題。
喺中醫角度，便秘分為邊幾種類型🤔，又有咩食材同方法可以幫到手?

嚴醫師指出，中醫學定義中，便秘係指大便💩秘結不通，排便時間延長，或想排便時有困難。有以下5種便秘類型：

1. 腸胃積熱 (熱秘)
 

主要係腸胃積熱🔥，耗傷津液，導致糞質乾燥，排出有困難，稱為“熱秘”。

熱喺邊度嚟?
可能係身體陽盛，或肺熱肺燥再下移大腸，或食太多辛辣食物同太多酒🥂，都會令腸胃積熱。

症狀：大便於結、腹脹腹痛、面紅身熱🥵、口乾口臭、心煩不安、小便短赤、舌紅苔黃燥。

治療方法：瀉熱導滯、潤腸通便，可飲決明蜜：

決明蜜 🍯

材料：決明子 15克、蜂蜜適量、水 300毫升

做法：

1. 將決明子搗碎，加水煮10分鐘；

2. 沖入蜂蜜，攪勻後即成。

2. 陰寒積滯 (冷秘) 

成日食生冷野、或外感寒邪 ☃️、導致腸胃積聚陰寒，成為“冷秘”。

症狀：手腳唔溫暖、腹痛、大便乾結、作嘔、有白色舌苔。

治療方法：溫裏散寒，通便導滯👍。 

肉桂蜜

材料：肉桂 3克、蜂蜜適量、熱水 250毫升

做法：

1. 肉桂磨成粉，加熱水💦浸泡；

2. 沖入蜂蜜，攪勻即成。

3. 氣虛陽虛 (陽虛)
 

個人唔夠休息，成日覺得攰😪同虛弱，令脾胃受損，陽氣不足 ; 或年老體弱，氣虛陽衰；又或久病產後，正氣未複；以上都會形成氣虛，陽虛則腸道失於溫煦，陰寒內結，大腸無力❌排便，令排便時間延長。

症狀：有便意，大便亦唔係乾硬，但要好大力💪先可以排到便，一陣之後又覺冇力。體質虛弱，面色傖白，有白色舌苔。

治療方法：補氣潤腸、健脾升陽。

肉蓯蓉粥 🍵

材料（1-2人分量）：肉蓯蓉 30克、白米 60克、水 800毫升

做法：

1. 肉蓯蓉加水煮滾後再煮30分鐘，去渣留汁；

2. 加入白米同水煮成粥即成。

4. 血虛 (血虛秘)
 

以下情況會引起血虛 🩸：

- 病後產後，陰血虛少
- 年高體弱，陰血虧虛
- 食太多辛香燥熱食物🍟🍤，陰虧血少

血虛會令大腸唔夠強壯，陰虧則會令腸道乾燥，形成便秘

症狀：大便乾結難排出、心悸氣短、冇記性😕、口唇色淡。

治療方法：養血潤腸。 
 

柏子仁芝麻粥

材料（1-2 人分量）：柏子仁 15克、黑芝麻 15克、白米 60克、水 800毫升

做法：

1. 柏子仁整碎；

2. 加水與白米煮粥，最後加入黑芝麻即成。

5. 氣機鬱滯 (氣秘)
 

通常係受情緒同壓力影響，令脾傷氣結 ; 抑鬱😭惱怒，肝鬱氣滯 ; 久坐少動，氣機不利 ; 以上種種不因都可以導致腑氣鬱滯，排大便唔暢順或變乾結，成為“氣秘”💨。

症狀：大便於結、腹脹痛、飲食減少。

治療方法：順氣導滯。
 

柚子玫瑰蜜 🌹

材料：柚子皮 1克、玫瑰花 9克、蜂蜜適量、熱水 300毫升

做法：

1. 柚子皮切絲，同玫瑰花加入熱水中浸15-20分鐘；

2. 沖入蜂蜜攪勻即成。

通便穴位按摩 ⚡️

除咗用以上食療幫助排便，按摩穴位通便都可能有效，隨時隨地都可為自己按摩。
 

李醫師解釋，按摩👉支溝、氣海同天樞穴位能刺激腸道蠕動，每日以拇指按壓相關穴位2至3次，每次5分鐘，就會有助改善便秘✔️。

支溝

穴位位置：腕背橫紋後三寸（約四指合埋闊度），前臂兩臂之間 。

功效：清熱、通便同舒緩相關症狀。
 

氣海

穴位位置：下腹部正中線，臍中下1.5寸（約食、中兩指合埋闊度）處。

功效：穴位屬任脈，能理氣同益氣。
 

天樞

穴位位置：腹中部，臍中旁2寸（與乳頭同寬）。

功效：穴位屬足陽明胃經，具疏調大腸，健脾祛濕，和營調經，理氣消滯功效

資料來源

便秘6大類型 你係邊一型？中醫醒你2款通便食療 嚴耀堅中醫師 

便秘成因大不同 中醫教你對症食療KO便秘 李穎儀中醫

【KO便秘】中醫教按摩穴位通便　每次按5分鐘改善便秘問題 李亦寧中醫師