男女腎氣充盈  精力飽滿迎接每一天  

一聽到腎虧,不期言會聯想起男士不舉、脫髮、夜尿等問題 😅。原來女士都會有腎虧,以下推介養腎 7 招,幫助大家增強活力,改善腎臟健康

邱穎琳醫師表示,中醫所指嘅腎代表泌尿系統、生殖系統和某些內分泌系統,負責生長發育、水液代謝、生殖及內分泌功能等工作,而男女都可能會有腎虧。

腎虧 VS 腎虛

腎虧係指腎氣虛弱😔,腎虛同腎虧嘅症狀及成因一樣,但腎虧較腎虛再嚴重啲,例如腎虛只有1至2項症狀,腎虧人士就可能出現3至4項症狀,症狀亦會較為嚴重。

 

腎虧症狀全面睇

蕭驪珣醫師指出,腎虧通常由多種不良生活習慣引起,如經常捱夜🥱、暴飲暴食、食肥甘厚味、房事過度、過度恐懼、憂慮、女性墮胎等,病徵有 :

  • 冇記性、失眠、冇胃口、大便乾燥、經常好攰、腰痛、怕凍❄️、容易煩躁焦慮
  • 泌尿問題 : 尿頻、尿急、小便清長、多夜尿
  • 甩頭髮、有黑眼圈、皮膚暗啞、抵抗力差經常感冒
  • 男性可能會性慾降低、不舉、遺精、早洩、不育
  • 女性可能會閉經、月經不調、性慾降低、卵巢早衰、不孕

4個腎虛類型 🌻

邱醫師提到,無論腎虧定腎虛,成因都大致相同,而證型可分為4類 :

 

一. 腎陽虛 / 腎陽虧

症狀:不舉、精神差、夜尿多、面色淡白、眩暈耳鳴、畏寒肢冷

腎陽係人體嘅「真陽」、「元陽」、「真火」,非常重要,控制人體一切臟腑功能。如果腎陽足,人會產生高能量,變得更有精力,龍精虎猛;相反新陳代謝會減慢,冇精神,反應遲緩,女性有機會出現宮寒不孕。

 

二. 腎陰虛

症狀:男性易早泄、女性月經周期縮短,男女會出現潮熱盜汗、口乾咽燥、大便乾結、失眠多夢。

 

腎陰係指人體重要體液「陰津」、「陰血」,對人體有潤澤作用。如腎陰旺,代表津血充足,肌膚滋潤 ; 相反腎陰虛就係乾枯,津虧血少,眼睛、陰道同皮膚缺水。

另外,情緒都會失衡,變得心煩意亂、容易發脾氣、入睡困難同早醒。陰虛亦令血唔夠,虛火上炎,出現潮熱煩熱、口乾咽燥,但手腳冰冷。

 

三. 腎精不足 

症狀:男性精少不育、女性經閉不孕、甩頭髮、疲累、冇記性、暈眩等

汪慧敏醫師解釋,腎臟有儲存精氣作用,精氣有兩個來源,一係先天之精,源於父母👪,二係後天之精,有均衡營養腎精氣先會充盈。

精氣用於正常生長、行經、生育、水液代謝、呼吸等生理功能,如缺失腎精,可能會提早出現駝背、白髮、牙齒脫落等情況。
 

四.   腎氣虛

常見於都市人,因經常疲勞、體力腦力嚴重透支,休息過後情況都冇改善,導致常有小毛病,所謂「亞健康」🙋‍♀️,中醫認為係腎氣虛表現。

圖片來源 : 風傳媒

點解要養腎? 🙇‍♀️

據蕭醫師提出,養腎即係補充腎精,如長期充足,就容易長壽👴,喺中醫理論中,腎同膀胱、骨髓、腦、頭髮、耳、二陰等十分有關 :

腎主藏精
指精係生殖基礎,使男女擁有生育能力
👶
 

腎藏精,精生髓
骨嘅生長同再生需要腎精嘅滋養。

 

腎藏精,精化血
頭髮需要血嘅滋養,若精與血都充足,就會減低甩頭髮機會。

 

腎主水
腎負責水液代謝工作,調節身體水液
💦分佈同排泄。

 

腎開竅於耳及二陰(生殖器和肛門)
腎精能滋養呢2個部位,否則就會出現耳鳴尿頻等疾病。

養腎7式 🙌 

蕭醫師提供咗7個養腎方法 :

 

1. 熱水浸腳

浸腳水唔可以太熱,37至40度就最適合,浸15至30分鐘。每晚7至9點係血液循環旺盛時間👍,可更有效改善全身血液遁環,能滋養腎同肝。

 

2. 腳部保暖

腎經起始於足底,腳比較易受到寒氣侵襲,所以唔好赤腳喺潮濕地方行走,著襪包住腳腕🧦,亦唔好俾冷氣或風扇對正雙腳來吹。

 

3. 飲夠水
定時飲水可避免代謝廢物滯留體內,預防結石等腎臟疾病。

 

4. 瞓得好
睡能還精、養氣、健脾益胃、堅骨強筋,每晚11點前入睡最好,瞓6-8小時。

 

5. 節欲
頻繁手淫、放縱性欲,都會損耗腎精
💢

 

6. 多食黑色食物

中醫認為五色食物對應五臟,五個內臟係「心、肝、脾、肺、腎」,分別對應「赤(紅)、青(綠)、黃、白、黑」五色食物。

腎對應黑色,邱醫師建議可多吃黑色食物,有助於養腎、增強體質💪、預防疾病、延緩衰老,如黑桑椹子、黑芝麻、黑木耳、黑米、黑豆。

黑色食物 (圖片來源 : 壹讀)

養腎湯水推介 🍵

< 板栗煲雞湯 >

材料 : 雞肉100克、生薑5克、枸杞10克、板栗15-20粒、高湯1升
方法 : 先焯一下雞肉
🐓,再將剩餘材料放入鍋煮滾即成。

功效 : 適合身體疲倦、氣短、腎虛腰痛人士

 

< 海參燉瘦肉湯 >

材料 : 瘦肉250克、已發海參250克、大棗5粒、水400毫升
方法 : 全部材料放入燉盅,細火隔水燉2至3個鐘即成。

功效 : 適合腎虛、便秘人士

海參燉瘦肉湯