攝取雌激素係好係壞 ?

飲豆漿生Cancer ? 食雞蛋🥚食出子宮肌瘤 ?

越來越多食物有雌激素，婦產科專科藍寶梅醫生提到，香港女生初次來經平均年齡已由20年前嘅11至13歲，推前到10歲，攝取過多雌激素會令人體賀爾蒙失衡，對男女健康都有影響。

男性乳房會脹大、睪丸縮小，影響精子製造能力。成年女性攝取過量，可能會導致患上婦科問題，以下內文，營養師同婦科醫生同你分享點先食得健康 🤗 !

 動物性雌激素 VS 植物性雌激素特質

 
植物性雌激素

營養師林亞貞提出，植物性雌激素從植物而來，係天然化合物，化學結構同人體內雌激素十分相似，至少有300幾種植物有此成份，如 :

蔬菜 - 大蒜、扁豆、紅蘿蔔 🥕
水果 - 紅石榴、蘋果
根莖澱粉、穀物 - 鷹嘴豆、燕麥、大麥、淮山、牛蒡
豆類 - 毛豆、黃豆、豆腐、豆漿、天貝、納豆、味噌
種籽 - 亞麻籽、奇亞籽、芝麻、小麥胚芽、花生🥜
飲品 - 茶、咖啡、啤酒
中草藥 - 當歸、月見草、枸杞

動物性雌激素

婦產科醫生張美玲指出，雞蛋、動物性油脂、蝦卵🦐、蟹黃、蜂王漿、阿膠等動物食品都含有動物性雌激素，容易刺激子宮肌瘤生長，唔適宜長期食用。
 

另外，海產含動物性雌激素情況亦越來越嚴重，浸大生物系教授黃港住解釋，頂層海洋捕食者如吞拿魚、鯊魚，體內累積嘅雌激素會較多，雌激素易積聚喺脂肪，所以蟹羔🦀、多羔嘅海產風險都較高。

植物雌激素的好處

營養師林亞貞指出，因為植物雌激素嘅化學結構同體內雌激素非常相似，如果適量攝取，對人體都會有類似雌激素作用：

1. 改善更年期時嘅健康狀況 👍

可減輕女性荷爾蒙分泌失調問題，緩解潮熱，預防骨質疏鬆。

2. 舒緩月經不適

雌激素水平下降時會影響人嘅情緒同身體狀況，平時補充植物雌激素，會減少月經期間嘅唔舒服。

3. 治療青春痘

平衡體內雄性激素濃度，減少⬇️生青春痘。

4. 增強心臟健康

有助降低膽固醇，減少動脈硬化發生，維持血管彈性。

5. 幫助減重

植物雌性激素類黃酮中嘅金雀異黃酮（Genistein）可以協助減輕體重。

子宮肌瘤

子宮肌瘤💥係婦科其中一種常見疾病，婦產科張美玲醫生解釋，通常都係因為體內雌激素濃度太高，刺激子宮組織不正常增生，形成子宮肌瘤。病徵有經血過多、經痛、貧血、腰痠背痛、頻尿、不孕，除咗因為體內荷爾蒙失調而製造過多雌激素外，可能都會由食物攝取到。

無論係動物性或植物性雌激素，都唔適宜進食太多⛔️，豆漿每日唔好飲多過1升，同埋要減少食動物性雌激素食物如動物性油脂、蝦卵、蟹黃等。

乳房病變

浙江寧波市一名45歲婦女，有輕度乳腺增生症，而佢聽聞食蜂王漿🐝可提高免疫力，就早晚食一次，連續食3個月後，被確診有乳癌，要做手術切除。

寧波市中醫院孫醫師表示，唔係每個女士都適合進補，如蜂王漿、阿膠、鐵皮楓斗、西洋參及蛋白粉呢5款補健品，食咗可能會有風險，會提升患上乳癌或乳腺增生機會。

到底食定唔食好？🤔

聽落無論攝入動物性或植物性雌激素都有風險，咁食唔食好 ? 營養師林亞貞有以下建議 :

1. 唔會長期大量，只食某類型雌激素食物

黃豆內嘅雌激素 (異黃酮) 可以俾身體吸收到嘅比例並唔多，因此可以較放心食用👌，而加工黃豆產品如豆漿、豆腐雌激素含量又會再少啲。

2. 避免食用荷爾蒙、藥物餵飼嘅動物性食物

為咗令動物體重、肌肉量增加，農民可能會將藥物、抗生素、荷爾蒙混入飼料俾動物進食，形成好大嘅肉品安全問題，影響人類健康。

植物雌激素料理

夏日炎炎，營養師推介以下蔬菜料理，建議選擇健康、冇污染、非基因改造嘅食材為主，就可以食得更安心。

< 什錦五色蔬菜 🥗 >

總熱量：186大卡、碳水化合物15克、蛋白質4克、脂肪10克、鈉800毫克

材料：淮山80克、枸杞1茶匙、濕黑木耳30克、椰菜花50克、花生10粒

調味料：海鹽1/3茶匙、胡椒粉少許、冷壓油1匙

方法：🔥 鍋熱放油，略炒黑木耳1分鐘後，加入淮山同椰菜花，再放入枸杞、花生。最後，加少少水入鍋內，煮滾後等收乾水分，就放鹽、胡椒粉調味即成。

資料來源
 

經血過多、子宮長肌瘤可能跟「食物」有關！婦產科醫師教如何避開風險    婦產科醫生張美玲
 

亂進補致癌：連飲3個月蜂王漿　乳房有腫瘤
 

女性荷爾蒙救星－植物雌激素！瘦身、防癌、趕走婦女病  營養師林亞貞

雌激素催生早熟港女大胸男 哪些食物最高危？   婦產科專科醫生藍寶梅