果皮果核都係寶  水果養生療效

生果除咗新鮮食,原來水果乾更有益 ? 用水果炒餸有咩要注意 ? 荔枝同柑橘可以入藥,每一個部分都係寶 ? 營養師同中醫師同你一一介紹。

新鮮水果的養生好處


每日一蘋果🍎,醫生遠離我,每日食新鮮生果係唔少人嘅習慣,多汁美味,大人小朋友都鐘意食,楊高木祐子醫師指出,水果主要嘅營養有維他命、礦物質、食物纖維同醣類。

 

維他命

維他命C:養顏護膚、預防癌症、對抗壓力。

維他命A:護眼👁‍🗨
 

礦物質

鉀:預防高血壓,幫助排出鈉(鹽分)。


食物纖維

有助排便,排出體內毒素。
 

醣類

葡萄糖、果糖:消除疲勞、為大腦帶來能量💪

 

註冊營養師黃兆章指出,雖然新鮮水果營養多,但進食時要留意 :

1. 少食高脂水果

牛油果、椰子脂肪含量較高,少食為妙。
 

2. 鮮果代替加糖食物

罐頭或水果甜品可能會用咗好多糖🍬嚟製造,食鮮果會更健康。
 

3. 適宜快炒

如要用鮮果煮餸,就要縮短烹煮時間,避免營養特別係維生素B同C流失。

 

食水果乾比鮮果更好 ?


楊醫師提出,食水果乾比鮮果更好,水果乾除咗一樣有齊鮮果嘅所有營養,仲有以下好處🙌 :

1. 溫暖身體

有一部份嘅鮮果係比較寒涼,唔係個個都啱食,相反,水果乾有促進血液循環、溫暖身體功效,更適合寒性體質人士食用。
 

2. 可以食所有生果部分

食鮮果好多時都要剝皮去核,但水果乾可以成個風乾🍓,連皮連種子一齊食,營養價值同食物纖維更豐富。


3. 更易保存

新鮮生果保存期有限,而水果乾就可以放比較耐,隨時隨地都食得好方便,同時營養成分更濃縮🌟

圖片來源 :  World Gym Blog

水果入饌菜式健康嗎 ?

菠蘿🍍咕嚕肉、士多啤梨骨、雪梨瘦肉湯等新鮮水果入饌菜式或湯飲,酸酸甜甜好受歡迎,但其實健唔健康 ?


黃兆章營養師指出,當生果入面嘅維他命C同B接觸水、空氣、光線或熱力後,就易受到破壞💢,所以當生果一切開或去皮後,就要快啲食用,如果用嚟炒餸,就要最後先落鑊,以縮短烹調時間,減少營養流失。


假如用生果嚟煲湯, 入面嘅水溶性維他命會溶喺湯🍲入面,被熱力破壞 ; 同時湯水都會吸收水果嘅糖分,小心攝取果糖超標。如果想攝取更多營養素,除咗飲湯外,可以食埋水果湯料,因為煮完後依然含有大量礦物質同纖維素。

雪耳雪梨燉瘦肉 ( 圖片來源 :  HKCooking )

荔枝食療和功效

荔枝每年七到八月都當造,何慧欣中醫師提到荔枝肉有補脾益肝、生津、鎮咳養心❤️嘅功效 ; 而荔枝核,入肝經,可理氣止痛,祛寒散滯,專治胃痛,醫師推介以下荔枝食療 :

 

< 荔枝核蜂蜜水 >

材料:荔枝核20g、蜂蜜🍯兩湯匙

方法:先把荔枝核洗乾淨,搗碎備用。用500ml 水浸30分鐘,開大火煲滾後轉小火,再煲30分鐘熄火。隔去渣滓,趁水變暖時加入蜜糖即成。

功效:舒緩虛寒經痛、陽虛人士嘅胃痛。

圖片來源 :  大紀元

果皮的中藥角色

大部份人都知道柑橘含有大量維他命C、抗氧化物,可預防癌症、心血管疾病、中風等,營養師指出,當中果皮嘅多酚類 (強力抗氧化物)含量十分高⬆️,有效清除自由基。

 

楊素卿中醫師解釋,果皮喺中醫養生有唔少作用同益處,由果皮、橘絡、橘肉到橘核都有健脾、開胃、理氣、行血通絡、止咳化痰效果,而果皮通常有3個種類 :
 

橘紅🍊

柑橘剝皮後直接曬乾就係橘紅,能行氣化痰。

青皮

未熟嘅柑橘皮曬乾成為青皮,散結消痰、紓肝破氣藥效較強,中醫師主要用嚟治療肝氣鬱結、胃脹、月經前會乳房脹痛患者。

陳皮

橙皮曬乾後再加中藥就係陳皮,可調理脾胃,燥濕化痰,緩解噁心、嘔吐、食慾不振、胃脹氣及解毒🎯

進食橘絡、橘肉及橘核益處


橘絡

即係果肉中嘅絲,唔少人都會挑走,楊仁鄰醫師建議可以食埋😋,因為橘絡含蘆丁有助血管保持彈性、改善咳嗽狀況。

橘核

有理氣止痛效果,可用嚟治療睪丸腫痛及乳房結塊腫痛。


橘肉

如覺得口乾舌燥,進食可生津止渴化痰,滋潤💦呼吸系統。

圖片來源 :  ITW01