💪 中醫養生 真真假假? 🤔
 

 由細到大喺屋企,或者喺雜誌電視👀,都聽到唔少養生方法,特別係唔舒服🤧但又唔想睇西醫,媽媽婆婆總會為你安排偏方,好似感冒要焗一身汗、發燒食雪條、或者喉嚨痛飲蜜糖水🍯,中醫角度究竟呢類保健偏方有冇效?

註冊中醫師崔紹漢博士,根據中醫文獻同臨床經驗,為大家剖白真假🧐 

崔博士指出,西醫一直有一套健全嘅驗證程序,但中醫就比較缺乏👉👈,加上中醫學用詞玄妙深奧,一般市民想了解清楚都會有一定困難,再者唔同中醫師嘅意見同診斷都唔同🙅‍♀️,因此坊間出現唔少偏方,以下係一啲經常聽到嘅養生方法。

 

崔紹漢博士

1. 感冒唔好食雞🐔🐔🐔?

 
西方國家嘅人習慣感冒飲雞湯增強抵抗力💪,營養學角度雞營養價值豐富,對人體有補身作用加快痊癒。但華人普遍認為感冒唔好食雞,因為感冒係外邪入侵,如果再食補益性食物,就會令感冒難消散甚至惡化⚠️,係中醫成日提到嘅『閉門留寇』。
 
崔博士指出,食材有唔同性質(寒熱涼平),感冒好唔好食雞🐔亦要睇番病人體質同病因。雞有補虛作用,所以如感冒屬虛性,因氣虛、血虛😨而引起,咁就可以食適量雞補虛; 但如果屬於實邪感冒,有細菌病毒感染、黃痰、發燒等熱性表現,食偏溫性嘅雞就會助熱🔥,助長病情,最好避免食。
2. 🍋 檸樂煲薑有效?
 
對付傷風感冒,唔少人細個已經會飲檸樂煲薑,甜甜地易入口😋,又可以驅寒,但事實上係咪有療效?
 
崔博士笑言,檸樂煲薑其實係安慰劑效應,🙅 冇醫感冒功效。檸檬雖然有維他命C,但幾片檸檬嘅維他命C含量其實好低 ⏬ (只有100毫克),唔足夠抗病。加上可樂配方一直係秘密,因此治感冒功效成疑。
 
不過,含糖同薑嘅飲料確實能健脾暖胃同散寒❄️,舒緩傷風感冒症狀。
3. 紅豆可以祛濕 💧 減肥?
 
近年流行飲紅豆水瘦身,係咪得🌟 ?
崔博士指出,紅豆原來都分3種:
 
紅豆- 用嚟整紅豆沙、紅豆冰🍨,好少用嚟入藥,只當食材用途
赤小豆- 藥食兩用,可用嚟煲粥、煲粉葛鯪魚赤小豆湯🥣,能有效袪濕、去下肢水腫
海紅豆- 有藥性但亦有微毒💀,所以極少入藥同用作食材
 
所以崔博士提醒大家,飲紅豆水食紅豆餸菜都要留心👌自己係食緊邊款紅豆同有咩功用。

4. 食芒果🥭會濕熱?

 
芒果平性帶涼,有利尿功能,崔博士提出芒果唔係🚫一種食到人濕熱嘅生果。有呢個誤解係因為芒果會引起過敏反應,出現類似濕熱🥵嘅症狀。

資料來源

中醫解碼 日常食療謬誤 崔紹漢博士