體質係無分寒底熱底😮?!
 

你係寒底定熱底 ? 成日都聽到有人討論呢個話題,但根據多位中醫師既經驗,體質原來係無絕對寒熱之分 !


咁體質又係點分? 唔舒服時睇中醫又駛唔駛分寒熱 ? 以下將由多位註冊中醫師遂一解釋😎

香港中文大學中醫學院講師李宇銘醫師指出,大部份人嘅體質係混合性,唔係只有寒或熱,同一個人身體可以「寒熱並見」✅,如「上熱下寒」,或者「胃熱脾寒」、「腸熱宮寒」。

 

<冇寒底熱底之分,咁點斷症🤔?>

何國璋醫師提出,中醫學只有分寒症同熱症,熱症包括發燒🥵、肺炎、急性扁桃腺炎等;至於寒症就係感冒風寒引起,導致身體發冷 🥶 等病症。
 

<中醫辨證方法>

中醫有唔少辨證方法,逸大夫解釋有八綱辨證🌟,內容有「陰陽、表裡、寒熱、虛實」,唔同嘅類型會有相對嘅治療方法;

另亦可分為致病病邪 「風💨、寒❄️、暑☀️、濕💦、燥😡、火🔥」; 由此可見,辨證係有系統,而唔係簡單地只將人體分為寒底同熱底。

李宇銘醫師

 

<體質分類方法🌈>

傑醫師提到,喺佢睇症時,好多人都會問佢佢係寒底定熱底,醫師都答係好難分,因為唔少人有混合病症,例如手腳冰冷但又易生口瘡暗瘡,❄️寒熱不清。

所以寒熱底分類方法,只係民間分法,中醫治病時係唔會用。傑醫師就常用以下分類方法:

 

1.(暴)躁底 😡

特徵:

  • 性格急燥、容易發脾氣或鬱鬱不歡
  • 手腳凍,但身體其他部位熱,自覺容易熱氣
  • 提早出現心煩💔、失眠、潮熱等更年期症狀
     

身體狀況:

  • 肝氣鬱結
  • 氣血不暢,寒熱不受

 

改善方法:

  • 凡事看開、少發脾氣
  • 做多啲伸展活動🤸‍♀️同深呼吸,令氣血和順
  • 飲用舒肝解鬱花茶 :洋甘菊、薰衣草、茉莉花、玫瑰花

2. 濕阻 💧

香港人成日出街食飯,偏好濃味野,導致熱同濕經常同時出現,令濕氣內阻。
 

特徵:

  • 身重無力
  • 面腫身腫 
  • 進補就會出現上火🔥 症狀
     

改善方法:

可定期飲用陳皮水、薏米水去濕。盡量減少食物鹽分

 

3.

虛主要分2種,虛寒同虛熱 :

手腳冰冷時飲老薑、桂買暖下身,驅走寒氣。

多用45度熱水浸腳。

 

虛熱特徵:

  • 體質不佳,又好食煎炸🍟🍤、夜瞓
  • 怕熱、大汗
  • 誤服寒涼食物諗住降火,但越食越多,而寒涼傷身,虛火越清越旺。
     

改善方法:

  • 戒生冷食物,避免增加虛火💢
  • 改善生活習慣,早瞓、少食煎炸食物
  • 食平性食品,如熱檸檬水🍋,酸梅湯等緩解虛火

總結:

身體沒絕有對寒底熱底,因為身體寒熱會因作息,飲食,天氣而改變。所以當身體偏熱,宜食用清熱食材如金盞花、羅漢甘果、菊花等。如當刻身體偏冷,宜食用提溫食材如薑,杞子,桂圓等。身體在平衡狀態就最健康舒適。

 

 

 

 

傑醫師