🌹🍵天然食材平衡內分泌~ 調整身心🧡

內分泌失調同荷爾蒙失調經常被人混淆， 究竟有咩分別 ? 男性原來都可能會患上 ? 註冊中醫師同營養師同你一一剖析😉

何慧涼醫師指出，如果有以下徵狀，就可能患上荷爾蒙失調 :

女性 

• 脾氣暴躁 😡
• 皮膚差、肥胖、體毛多
• 月經來之前有憂鬱、情緒不穩定、易怒、失眠、沮喪 
• 乳房不適、乳房纖維囊腫 
• 有子宮肌瘤、不孕、婦科癌症 ☠️
   

男性 

• 沮喪、經常憂鬱、易怒、失眠
• 甩頭髮、生暗瘡
• 性慾低 🙇‍♂️、不孕

荷爾蒙之作用

註冊營養師提出，荷爾蒙係細胞間傳遞訊息嘅橋樑，例如血糖升高時⬆️胰臟會分泌胰島素來降血糖，突然受壓時腎上腺分泌腎上腺素來應付，月經週期時卵巢會分泌雌激素同黃體素。

內分泌失調 = 荷爾蒙失調

內分泌系統包括腦下垂體、下視丘、甲狀腺、副甲狀腺、腎上腺、胰臟、性腺（包括卵巢、睪丸）等，各自分泌唔同嘅荷爾蒙。

跟住荷爾蒙會由內分泌系統透過血液送到🚐全身唔同器官，所以，如果內分泌系統失調就會同時影響荷爾蒙失調，身體就有機會患上唔同疾病。

內分泌失調之原因 

註冊營養師解釋，壓力大、飲食唔均衡🙅、錯誤減肥節食、接觸過多環境荷爾蒙，以上因素都會擾亂荷爾蒙釋放同運作。荷爾蒙長期接收唔到細胞訊息，日積月累下會累垮，引致內分泌失調。

內分泌失調 - 三大證型

1. 肝鬱氣滯
較易唔開心、生活壓力大、面色發黃、有黃褐斑同急躁易怒。可能有月經失調、痛經等問題。

2. 脾虛痰凝
飲食唔節制、鐘意食生冷食物🍧 🍨、少運動。色斑係淡啡色、面色偏白同有黑眼圈。成日覺得攰同冇力，易患上多囊卵巢症。

3. 腎虛血瘀
色斑多為黑啡色、面色暗啞，有失眠多夢、腰膝痠軟等症狀。或有卵巢早衰同不育問題。女性腎虛與平日過勞😪有關，如長期加班。

屈珮珠醫師建議，根據以上證型同病況，中醫可處方中藥及運用針灸、刮痧、按穴等方法，調理臟腑功能。

如肝氣鬱滯人士，可嘗試喺頭及面部刮痧。因頭同面有六條陽經、任督二脈通過👻，所以當臟腑氣血不和、經絡不通，就會反映喺面部，令人面色變差、有色斑、易留下暗瘡印。

刮痧好處係透過刺激相關穴位，疏通經脈氣血、活血化瘀同淡斑。

內分泌失調導致之病症

1. 甲狀腺
甲狀腺荷爾蒙分泌過多會出現「甲亢」，分泌過低會出現「甲低」。

2. 腎上腺
腎上腺會分泌腎上腺素、正腎上腺素、皮質醇等荷爾蒙，如腎上腺素分泌太高可能會導致💥高血壓、高血脂、高血糖。

3. 糖尿病 
如果胰臟分泌胰島素太多，會形成低血糖血症 ; 而太低會形成糖尿病🍬。

4. 性腺
負責產生性荷爾蒙，包含女性荷爾蒙 (雌激素、黃體素)，以及男性荷爾蒙 (睪固酮)。

何醫師表示女性生殖荷爾蒙喺卵巢分泌出來最多，如果出現內分泌失調就會有月經失調問題⚡️，例如經期唔嚟、遲嚟月經、生暗瘡、脾氣差同致肥等。

對於男性，生殖荷爾蒙睪丸素唔足夠的話，會影響情緒、外觀同生殖能力。

食療舒緩內分泌失調

楊明霞醫師提醒，患者應少食甜食或煎炸、肥膩、生冷食物，要有充足休息同多做運動🏊‍♀️。

鬱氣滯者可飲玫瑰紅茶🌹、茉莉花茶；

脾虛痰凝者可食淮山、薏米同蓮子；

腎虛血瘀者可食海參、桑椹同黑芝麻。

海參
性溫補，味甘咸，入肝、腎經，有補腎益本、補血滋陰、美容養顏功效。海參含18種氨基酸同豐富膠原蛋白，有助皮膚保養🥰。
另外，高蛋白質、鈣、鉀等活性物質，可改善新陳代謝，增強人體免疫力。

雪耳
又稱白木耳，味甘，性平。入肺、胃、腎經，有滋陰潤肺之功效。含有豐富植物膠質同蛋白質🥚，能促進皮膚血液循環，有美白、滋潤皮膚效用。 

桑椹
有效補血、防脫髮、補眼、調經，可飲 < 黑桑椹桂圓杞子茶 >。

玫瑰紅茶
玫瑰有很好利血散瘀作用，能夠改善經痛👍、調節內分泌同美白淡斑，可用 < 法國小玫瑰花 > 沖茶飲。

茉莉花茶
茉莉有舒肝解鬱，穩定賀爾蒙作用，有效舒緩女士生理期不適🙌，可飲 < 玫瑰茉莉博士紅茶 >。

資料來源

內分泌失調原因和症狀：肥胖、壓力大、月經失調！醫生、營養師和中醫師教你解決荷爾蒙失調  何慧潔中醫師
 

中醫師：女士內分泌失調易樣殘刮痧通經脈 淡斑亮膚   屈珮珠中醫師
 

內分泌失調吃甚麼？中醫推介5款有助改善內分泌失調的食物   楊明霞中醫師