禍從口入 👄 食出三高?

三高一詞相信大家唔會覺得陌生,代表⬆️高血壓、高血脂、高血糖,近年患者亦有年輕化跡象,病因通常係同飲食相關,雖然 "禍從口入",但其實除咗食藥💊,都可以透過改善飲食習慣同配合食療令情況好轉。

三高主要原因


譚莉英中醫師指出,出現三高嘅主要原因係身體虛弱,形成器官機能下降,例如血液唔可以充足咁輸送體內各部分,血壓就會被迫升高加快輸血,導致高血壓 ; 器官運作唔好,胰島素容易分泌不足或出現失效,影響血糖轉化,出現高血糖 ; 而高血脂,係因為身體失衡,過量嘅膽固醇同三酸甘油酯累積喺血管,未能正常同及時清走之故。


另外,習慣進食高熱量、高脂肪、高糖分、高鹽分、低纖維嘅食物,加上生活壓力,亦會增加出現三高風險,嚴重會引起血管硬化,影響心臟血管、腦血管健康,提升患上中風與冠心病機會⚠️

高血壓
 

高血壓患者容易患上心腦血管疾病❤️,中醫學角度中,藍永豪中醫師指出高血壓屬於眩暈、頭痛範疇,病位係喺心、肝、脾、腎,分為 :
 

肝陽亢盛 (實證)

精神因素,加上體質偏陽盛,導致體內氣血失衡,痰火上擾,治療方向以平肝潛陽、祛痰同活血通絡為主。
 

肝腎陰虛 (虛證)

心脾血虛,腦髓失養,以養血安神同滋補肝腎為治療方法。藍醫師建議已開始服西藥嘅患者,要定時食藥唔好私自停藥,可同時配合中醫針藥治療✔️,以穩定病情,而葛根、決明子、黃芩、杜仲、菊花、羅布麻、夏枯草係常用於降血壓嘅中藥。

圖片來源 :  健康力科技

高血脂

血中脂肪含量過高為之高血脂,膽固醇及三酸甘油酯會積聚喺血管壁上,令血管變得狹窄甚至閉塞💢,如發生喺心臟肌肉冠狀動脈內,就會形成冠心病。

藍醫師提到,肝、脾、腎一直共同調節體內氣血津液,如體內膽固醇過高,血脈會痰濁瘀阻,因此,對治高血脂會以調理肝、脾、腎三臟為主,去行氣、健脾、化濕
💧
 

清熱消脂嘅中藥有菊花、荷葉、決明子、茯苓、澤瀉、忍冬藤、薏苡仁、玉米鬚;補虛清脂嘅中藥就有淫羊藿、女貞子、菟絲子、生首烏、黑芝麻、生地黃、澤瀉。

另外特別推介洛神花。台灣中山醫學大學研究團隊發現,每日喝200 cc 洛神花熱飲,一個月後可調降體內血脂濃度;連續喝半年,皮膚的保水性與紅潤度亦可提高,甚至能減少皮膚皺紋深度。參與研究為40名平均年齡48歲患有高血脂的男女進行臨床實驗。

 

 

高血糖

糖尿病係一種慢性疾病,屬於內分泌失調嘅代謝疾病,譚醫師解釋,病因主要係胰島素分泌不足,或體內對胰島素產生抗拒。近年患病有年輕化趨勢,通常都同遺傳、不良飲食習慣⚡️、肥胖同缺乏運動有關,普遍症狀係多吃、多渴、多尿(小便頻密)、體重下降、容易攰以及易受感染。
 

大部分患者都冇徵狀,當發現患病時已經會出現併發症如腎衰竭、失明、截肢、心血管疾病及中風等。
 

治療輕微糖尿病,藍醫師建議可使用針刺、艾灸、中藥,並配合情緒調節、飲食調理、適當運動等,能有效控制血糖🍬、預防糖尿病血管病變及併發症。

 

枇杷葉是少數含有皂素的植物,抑制脂肪的吸收,吸附壞膽固醇,增加胰島素分泌,穩定血糖及抗菌消炎作用。日本鹿兒島盛產枇杷,用枇杷葉製茶是當地傳統工藝,茶味清香卻又沒有咖啡因,是當地人必備既養生茶

 

 

艾炙 ( 圖片來源 :  epochtimes.com )

三高知多啲
 

糖尿病患者係咪要戒晒所有糖類食物?

雖然患者係要戒口,但唔係所有有糖食物都唔食得,每餐患者仍會以食碳水化合物🍚最多,大概百分之五十到六十,脂肪類是百之二十到三十,剩下就係蛋白質類食物,另外外加蔬果。

邊類食物有助控制血糖?

想控制血糖,首先要留意食物嘅升糖指數 (GI),即係會喺進食後令血糖馬上升高嘅食物,如粥同糖水。而秋葵、苦瓜、西蘭花🥦、花菜等蔬菜,就是低升糖指數既食物,適合糖尿病患者進食,呢類蔬菜有飽腹感,可減低飯量,同時有足夠纖維令大便暢通。

 

聽聞黃色類蔬菜可降血壓,係唔係真?

冇明確依據,對高血壓患者嚟講,鹽分控制更為重要,特別係好多調味料、醬菜、辣椒醬等,都係高鹽,可改為用天然香料調味,如薑、葱、蒜頭🧄、芫荽、辣椒或胡椒粉等,盡量減鹽。

 

早晚飲一杯蜜糖水有助穩定血壓,咁做有冇用?

蜜糖水穩定血壓可能性不大,高血壓患者血管阻力大,血液都較黏稠💥,即係中醫所說嘅瘀血。每日飲多啲溫水或室溫水,就可達到穩定血壓作用。

低升糖指數蔬果 ( 圖片來源 : Heho )

預防三高食療 🥣

林浩雯中醫師提醒,三高患者雖然飲食要小心,要低脂、低糖、低鹽,但都唔可以長時間過份低脂,咁就會唔夠營養,外表面黃消瘦😢,日常可以配合食療養生,增加攝取多種維他命。以下3種保健湯水,林醫師推薦俾大家。

< 山楂決明子紅棗湯 >

材料:山楂20克、決明子15克、紅棗5顆。
方法:將所有材料加適量清水,大火煮滾後
🔥,再細火煲1小時即成。
功效:此湯能清肝泄熱,活血降脂,有助降低血液中膽固醇同降血壓。紅棗性味甘平,可補脾益胃、柔肝養血。

< 人參田七燉雞肉 🐔 >
 

材料:雞肉60克、高麗參10克、田七5克、生薑2片。
方法:全部材料放入燉盅內,加適量清水,以文火隔水燉3小時,調味即成。
功效:能補氣行血,化瘀止痛
🤗。人參同田七可活血化瘀而不傷正氣,大補元氣而助血行,有助舒緩冠心病、心絞痛嘅氣陰不足、血行不暢。

< 粟米淮山豬橫脷湯 >


材料:豬橫脷1條、鮮粟米🌽1條、淮山15克。
方法:將全部材料放入鍋內,加適量清水,大火煮沸後,再細火煲2小時,調味即成。
功效:可健脾益陰,降糖止渴,有助糖尿病患者化布津而止渴,能預防動脈粥樣硬化
♻️。淮山性味甘平,係糖尿病常用食品,可補脾固腎。

針灸穴位治療三高 🙋🏻‍♀️

譚醫師提到,針灸穴位係其中一個有效方法治療三高,原理係通過刺激經絡穴位,神經會引起降壓反應,令體內釋放一些物質使血管擴張,血壓就會下降⬇️
 

另外,高血脂患者以痰濕、氣滯血瘀為主,要改善血流障礙,可針刺☄️三陰交、足三裡、豐隆等穴位。當肝脾腎三個臟腑嘅經絡氣血通暢,就有助降血脂。譚醫師建議,每周最好針灸治療2至3次,每次針20至30分鐘。自己亦可多按摩這些穴位

圖片來源 : TVBS新聞