新冠肺炎的中醫對治

顏宏融醫師提到，新型冠狀病毒屬於中醫「疫病」範疇，而《黃帝內經》一早對「瘟疫」已有記錄 👀，中醫學治療喺歷史上累積咗長時間豐富經驗，臨床上，經常會用補養氣血中藥去「扶正祛邪」，從而提高免疫力。

好似喺SARS流行期間，香港中醫臨床有使用玉屏風散與桑菊飲🌻加上魚腥草與大青葉等中藥，減少SARS感染率同緩解病患症狀，中藥成功地發揮咗輔助功效，加強人體健康防線。

提升免疫力一定好 ?

當身體受病毒或病菌入侵，免疫系統係第一道防線抵擋病原，年輕人士抵抗力一般會比長者好，一旦感染亦會較快恢復❤️，所以想縮短病發時間，對唔同年齡嚟講，提升免疫力都十分重要。

不過顏醫師提醒，其實免疫反應太大或太細都係唔理想 ; 如免疫細胞過度活躍，可能會出現細胞激素風暴，大量免疫細胞會聚集某一個位置或器官，令身體發炎免疫反應太強⚠️，導致其他疾病。

中醫講求陰陽平衡，免疫力同發炎免疫反應最好尋求平衡，有足夠嘅免疫力就可以。

提升免疫力中藥

陳博聖醫師提到，唔少調節免疫力中藥都係由真菌類而來，如菇蕈類、茯苓、靈芝或冬蟲夏草，其中嘅多醣體可令正氣加強🥰，其他常用加強抵抗力中藥有鐵皮石斛、黨參、黃精、茯苓、大棗、枸杞、當歸、人參等，但必須根據病情及相對體質去服用，以下係一啲中藥特點與食療推介 :

鐵皮石斛
張艶波博士解釋，鐵皮石斛性微寒、味甘，有健脾養胃、滋陰補腎、潤肺生津功效，同時能提高身體免疫功能，係名貴中藥材，主要用於治療慢性胃炎、 高血壓、糖尿病、抗腫瘤等。
 

大棗

有補脾益氣、養血安神功效🙌 ; 大棗含大量維生素，常食能夠提高人體免疫力。

黃精

具有補氣益腎、健脾潤肺、抗病毒、抗疲勞功效，有助於提高人體免疫力。

黨參

性平，補中益氣健脾益肺、興奮神經系統🧠、增強機體抵抗力。

< 黨參大棗燉排骨 >
 

材料：排骨500克、黨參30克、大棗8顆、生薑、蔥、味精、食鹽、胡椒粉、料酒各適量。
 

做法：排骨先汆水，再將所有材料加水放入鍋中，大火煮沸🔥後再用細火煮，最後加入食鹽、味精、胡椒粉調味即成。
 

功效：補血益氣、增強抵抗力

禁忌：氣滯、怒火盛或有內火者避免進食。  

< 黃精粥 >
 

材料：米100克、黃精20克、白糖適量。

做法： 黃精加水煎煮取汁，粳米煮成粥再加入黃精汁同白糖即成✔️。
 

功效：益氣補虛、健脾和胃

禁忌：胃熱者不宜食用。

4式增強身體防禦能力

除咗從飲食中增強免疫力，日常生活唔少習慣都可以幫到手，陳博聖醫師建議以下4個方法 :

1. 每日瞓 7 - 8小時 😴

臨床實證，每天只瞓4-5小時，同瞓7-8小時嘅人比較，免疫防護力會減少70%。

2. 每日靜心15-30分鐘

香港生活壓力大，容易造成壓力荷爾蒙『皮質醇』增高，皮質醇會抑制免疫系統，如果每日有靜心時間，專注呼吸，就能令身心放鬆😇。