{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

🍐 滋潤食材食用⛔️禁忌⛔️知多啲
 

 

進入初冬，天氣持續乾燥♨️，大家購買滋潤食材都可以揀白色食物，滋陰補氣 ; 除咗內服，本文仲分享咗幾個方法由外到內保濕潤燥💧，咁就更全面，讓你充滿活力迎接冬天來臨。

黃醫師指出，秋天嘅燥氣最傷肺 ⚡️，原因係秋天之氣與肺相通，而肺又係一個比較敏感，容易受到外邪傷害嘅器官。如果外邪入侵，就會耗損人嘅津液，出現口乾 🥵、唇乾、鼻乾、皮膚乾燥、敏感等症狀，建議食用滋潤食物同避免辛辣等刺激物🍟🍕，免得加重燥氣。

中醫學理論入面，肺對應到五色中嘅白色，所以食多啲白色食物，係可以預防、緩解秋燥傷肺問題 ✔️。
 
但黃醫師提醒，唔係❌全所有白色食物都可以潤肺，有啲白色食物好似白菜、梨子偏寒，食嘅時候要注意，就算係能潤肺嘅白色食物，都要留意食用方法同時間 ⏰，以下有8種滋潤食材介紹同食用禁忌：

1. 梨子 🍐

講到大家成日提到嘅滋潤食物，雪梨算係第一。黃醫師解釋，雪梨自古已被稱為「百果之宗」🏆，有以下功效：

- 潤肺、止咳、消痰、降火

- 潤燥通便
 

禁忌：
醫師提醒，梨始終係寒涼水果 🧊，體質虛寒、長期寒咳、腸胃功能唔好、有長期腹瀉人仕都不宜吃生梨，如果想食，可以蒸、🍵 煮湯或清燉梨，再加入川貝、冰糖等，冇咁寒又較為滋潤。

2. 雪耳

雪耳又名白木耳同銀耳，歸肺、胃經。雪耳被譽為「長生不老藥」💊，有「菌中之王」美譽，功效多多，可生津潤肺、益氣活血、滋陰養胃、補腦🧠強心。雪耳配上百合做食療更好，能舒緩肺熱咳嗽，仲有潤腸作用。

禁忌：因性質偏寒，受風寒引起嘅感冒患者😷，最好避免進食。

3. 淮山

又名山藥，能健脾養胃、補肺固腎😎，治脾虛洩瀉、虛勞咳嗽、腎虛腰痛、小便頻繁。
鮮淮山亦可以用嚟做餸 🥗，同肉片、薑片炒熟，加鹽調味即成。

4. 蓮藕

蓮藕都有分生熟，生蓮藕性味甘、寒，可清熱、涼血同止血; 熟蓮藕性平、味甘，能補益脾胃💪、止瀉、補氣養血 ，特別啱脾胃虛弱人士。

黃醫師建議，而家天氣乾燥，大人小朋友都會容易流鼻血 🩸，食蓮藕就起到清熱涼血作用。

禁忌：蓮藕偏涼，孕婦或是腸胃功能不佳者不宜多吃✖️

5. 百合

百合性味甘、微寒，可滋陰潤肺止咳 ✨，清心安神、清肺解毒。

食用方法有好多，如鮮百合加蓮子、雪耳煲糖水🥣；或加雪梨煲糖水。黃醫師推薦，對久咳、乾咳嘅人效果特別好👍，因為百合含有黏液，可以滋潤肺臟，同時去熱。

6. 蓮子

蓮子具有清心醒脾、補脾止瀉、養心安神明目 👀、益腎、滋補元氣等功效，同銀耳搭配，加啲紅棗，就可起到滋陰潤肺作用🥰，啱晒秋冬一齊燉嚟食，預防秋燥。

7. 枇杷

根據《本草綱目》記載，枇杷能潤五臟、滋心肺💖，果實具有祛痰、潤肺止咳、生津止渴💦、清熱健胃之效。黃醫師提醒，枇杷唔適合久咳者，初咳、熱咳比較適合。

禁忌：枇杷性味偏涼，不適合多吃或久服

8. 杏仁

杏仁有分好多種，中藥杏仁係唔同美國杏仁，美國杏仁係扁桃仁，唔同中藥杏仁嘅味道😋同價值。

禁忌：
中藥杏仁有分甜同苦杏仁， 甜杏仁常用於食療，有止咳效果 ; 苦杏仁則多用來入藥，要注意毒性💀比一般甜杏仁較高，但經過煮熟後食用，就可降低毒性。

除咗進食以上滋潤食材，日常生活都有其他方法為身體滋陰潤燥🙌：
<DIY潤膚藥浴包>
因為肺主管皮膚，所以滋潤皮膚時相對地都可補肺🙋。DIY藥浴包能滋潤皮膚，只需用沙參、麥冬、玉竹、天花粉、茯苓，各30克，加10克甘草，再將所有藥材打碎後放入紗布袋，加水浸泡半小時後，細火🔥煮20分鐘，將藥液倒入浴缸，加入適量熱水，就可以用嚟浸浴。

<按穴位滋陰：三陰交穴、承漿穴>

林醫師建議可用穴位按壓來滋陰，按三陰交穴同承漿穴：

按三陰交穴👇
穴位喺小腿內側，内踝尖上3寸，脛骨內側後面，每日按3次，可滋陰補腎。

按承漿穴👇
穴位喺唇下方嘅正中凹陷處，每次按5至10分鐘，可生津解渴。

圖片來源: 網絡圖片                                     三陰交穴

圖片來源: 網絡圖片                                      承漿穴

<蒸面保濕 ☺️>
秋天乾燥，令面部皮膚崩緊，可用納米離子蒸面機幫塊面保濕👏。臨瞓卸妝潔面後蒸6分鐘，有深層保濕功效，同時亦收細毛孔🎇，如果敷多塊 mask，就更加強保濕作用。

資料來源

上班族秋冬滋潤身心10法  林迪龍中醫師

【養生食材】秋天養生要養肺潤燥　中醫推介5款平靚正食材  唐文儀中醫師

遠離肺炎！8大養肺好食材　「白色」最護肺  黃中瑀中醫師