{{ 'fb_in_app_browser_popup.desc' | translate }} {{ 'fb_in_app_browser_popup.copy_link' | translate }}

{{ 'in_app_browser_popup.desc' | translate }}

鼻敏感有得醫！

轉天氣步入秋涼，除咗打乞嗤，鼻水仲係咁流，坐車番工都幾尷尬。
鼻敏感雖然唔係嚴重疾病，但症狀令人覺得幾煩，同時鼻塞亦會影響睡眠。
 
根據衛生署資料顯示，鼻敏感亦叫過敏性鼻炎，係指眼、鼻、咽、喉等對過敏原敏感而引致反應。徵狀為：打乞嗤、流鼻水、鼻塞、鼻子發癢、嗅覺遲鈍、鼻黏膜潰爛、鼻發熱等；亦有可能同時出現眼徵狀如眼睛發癢、流眼水。
 
澳門科大醫院中醫師何啟東指出，鼻敏感顧名思義發病喺鼻，中醫角度中，鼻同肺臟有較大關係，中醫有句術語為“鼻為肺之竅”（鼻為肺的官竅），係指鼻係肺與外界直接相通嘅器官，所以如果鼻出現毛病時，可能係肺臟有問題。
 
何醫師解釋港澳嘅鼻敏感患者，大多數人士都唔係風寒、風熱類型，而係虛證，虛證又以肺虛、脾虛為主。
 
註冊中醫師林婉珺提出，鼻敏感臨床可分三類:
 
  1. 肺氣虛型鼻敏感
平日講野會唔夠氣、聲線弱、容易攰同有出汗等症狀，患者也容易感冒，小朋友患者多屬此類
 
  1. 脾氣虛型鼻敏感
    患者容易胃脹、有胃氣，食慾不振同大便稀散，舌頭肥大易有齒印等，病因通常係成日食生冷野傷害脾胃有關
 
  1. 腎氣虛型鼻敏感
    患者會有腰酸膝軟、怕冷同夜尿多等症狀，與經常夜瞓或長者腎虛有關。
 
<舒緩鼻敏感食咩好?>
 
林醫師推介以下食材 : 
 
  • 羅漢果、無花果、雪梨、花旗參
有補肺潤肺功效，兩者可配合雪梨、雪耳及百合一齊煲，潤肺養顏，如額外加入花旗參則有補氣功效。
 
  • 鱷魚肉
補肺氣，適合容易氣管敏感、喉嚨乾涸及咳嗽人士，可連同海底椰、川貝、淮山及南北杏煲湯飲用，有助補肺氣及止咳。
 
  • 淮山
可健脾胃同補肺腎，脾、肺、腎虛及容易腹瀉人士都適合，有健脾止瀉作用。
 
  • 辛夷花
據《本草綱目》所指：「辛夷之辛溫， 氣而入肺，能助胃中清陽上行，所以能溫中，治頭面目鼻之病。」
 
辛夷花有治療急性或慢性鼻炎、過敏性鼻炎，祛風散寒，善通鼻竅的效果。
 
良茶坊調配嘅 <鼻敏舒解茶> 配有辛夷花、歐薄荷、甘草絲，不但有通鼻作用，更有提神醒腦效果。此方用料天然，適合「先聞後飲」， 沖泡後先用鼻聞其熱氣五分鐘再飲用，定期飲用更有強化呼吸道系統作用。
 
<五招教你馬上舒緩鼻敏感>
 
1. 用生理鹽水沖洗鼻腔
 
港怡醫院耳鼻喉科顧問醫生簡穎妮表示，根據研究結果，每日用250毫升生理鹽水，就可以有效控制鼻炎，透過沖走鼻腔內嘅致敏原同黏液分泌物，可令黏膜嘅纖毛細胞恢復運動作，咁鼻腔入面嘅污糟野就可以快啲排走。
 
2. 聞蒸氣
 
鼻塞情況嚴重時，可以沖一杯有薄荷葉嘅熱水。深深吸氣，薄荷有暢通氣道之效，蒸氣亦有助擴充血管，有助通鼻。良茶坊調配嘅 <鼻敏舒解茶> 配有歐薄荷，適合「先聞後飲」。
 
3. 迎香穴位按摩法
 
將食指中指並攏，中指指尖貼鼻翼兩側，食指指間所在嘅位置就係迎香穴，喺鼻翼旁約一厘米嘅皺紋中。可用食指指腹垂直按摩，能改善鼻敏感，鼻塞等問題。對於各種原因如鼻敏感或感冒導致嘅鼻塞，都有緩解作用。
 
4. 紓緩鼻敏感食物
 
鼻敏感患者應增加食物中Omega-3脂肪酸嘅攝取，可進食如鯖魚、秋刀魚等深海魚類及亞麻籽油。另外鮮花粉沖蜜糖水唔單止好飲，兩者都有消炎殺菌作用。良茶坊門市有售本地蜂農鮮採花粉及蜂蜜，歡迎選購。
 
5. 做帶氧運動
 
成日做運動，特別係游水，鼻敏感嘅發作機率都會大大減少，原因係身體抵抗力增強咗，呼吸道也因此而更強壯。