6大補身方法知多D 💖

生活壓力大又缺乏休息，香港人普遍都覺得自己唔夠精神個人好虛😪，所以一年四季都有人用食療補身，但應該點補先最適合體質同情況 ?

6種進補類型

林志秀醫師提出，進補係指選用有補益強壯功效嘅中藥，經過適當搭配，補充身體中氣同虧虛，達至增強抵抗力效果💪，而類型可分為 :

1. 峻補

適用病況 :
身體突然虚脱，如手術後大出血，出現面色蒼白 、多汗、神識模糊 、呼吸微弱、脈膊微弱情況。

用藥 :
峻補藥方通常用量較大，有獨參湯🍵 (補元氣)、參附湯 (益氣回陽) 同當歸補血湯 (補氣生血)。
 

2. 緩補

適用病況 :
氣血陰陽虛弱，兼有邪氣，或有虛不受補現象。

用藥 :
用藥會較溫和🙌，會用太子參、生曬參、淮山、玉竹、穀芽、麥芽糖，適合用於慢性病情。
 

3. 溫補

適用病況 :
有寒象嘅虚弱症狀。

用藥 :
黃芪、黨參、肉蓯蓉、巴戟天、肉桂

4. 滋補

適用病況 :
久病不愈、精血大傷適用，有效補益陰液、滋補精血🥰。

用藥 :
熟地黃、龜板、紫河車
 

5. 涼補

適用病況 :
虛證兼有熱邪者🔥，可養陰清熱。

用藥 :
元參 (玄參)、麥冬、天冬、南北沙參、玉竹、石斛、白芍
 

6. 食補

食補係用有治療功效嘅中藥或食物，經常長期服用，從而補益正氣、強壯身體。

如當歸生薑羊肉湯能溫陽補血 ; 水魚🐟 就可養陰清虛熱；牛肉溫中養血 ; 牛骨髓、豬脊髓就滋補填精。

甚麼時候先補身 ?
 

譚莉英醫師解釋，體質分為熱、寒、虛（氣虛、血虛、陰虛、陽虛)，有虛才需要補， 但有一啲人係唔適宜進補 🚫 :

1. 腸胃差、消化不良人士

消化同吸收唔到中藥，可能會產生胃痛腹脹情況，要先調理脾胃，避免虛不受補。
 

2. 感冒未清

3. 高血壓患者

4. 只食一類補品

例如食參，有人燉人參服食又食人參粉，係可以補到氣，但其實亦要加埋補血先平衡👍，適宜配合其他食材服用。

以下補品唔係人人都食得 ?

呂澤康醫師提醒有一啲補品食用時要留意👀 :
 

豆類食品

有機會加重胃脹患者病情。
 

阿膠

可養血美顔，但唔啱大便稀薄人士服用。

人參

能激活抗體🌈，提高人體免疫功能，因此風濕免疫疾病患者要小心服用。

陳皮

能抑制精子與卵子結合，降低懷孕率，想有BB嘅人不宜食太多。

羊肉煲 🐑

紅斑狼瘡患者常見陰虛火旺體質，食羊後易虛火上炎。

補錯身例子 😅

以下係譚醫師診症案例 :

1. 飲豬骨老火湯10年

有位女士為咗補腎健脾，飲咗10年豬骨老火湯🐷，健康不但冇改善，仲令消化系統出問題，經常胃脹同無胃口。
 

診斷後，發現佢嘅脾胃虛弱，係唔適合飲豬骨老火湯，因為消化唔到湯入面嘅營養同脂肪。
 

2. 每週3次食用人參

成日食貴價補藥未必一定好，有求診者每個禮拜服用3次人參，導致腹脹及食慾不振，『補過龍』🙈，要食蘿蔔「解參」舒緩。
 

譚醫師提醒，除非身體真係好虛，如果唔係食一次補品都可能會因為太補，而出現口乾舌燥或流鼻血等燥熱症狀。
 

3. 中風患者食過多補品

咁做可能會產生肝陽亢奮，患者以為自己健康番好多，但其實仍然有機會再有突發性中風危機⚠️。病後亦唔好太快補身，避免『食復』，即係補咗剩低嘅病毒或細菌，令舊病復發。

資料來源
 

4大食療進補禁忌！中醫：人參、阿膠不是人人適合   呂澤康中醫師
 

秋冬時節好進補   譚莉英中醫師
 

中醫補法知多D   林志秀中醫師