凍齡秘密分享 👩‍🦰 青春定格自己決定 ?

凍齡女神梁詠琪今年已經44歲又做咗媽媽，但外表仲係好年輕🥰，佢透露除咗做運動、保持心境開朗，養生食療係其中一個有效keep住由內靚到外嘅方法，以下中醫同營養師會同大家分享食譜同心得。

卵巢早衰現象 ⚡️

想持續凍齡，就要先了解年齡同健康嘅關係。譚莉英醫師指出，卵巢早衰喺現今社會出現機會越來越高，而卵巢係女人嘅「青春之源」，名人溫碧霞早前都有透露保養秘訣🌈，就係成日食一啲有助保養卵巢嘅食物。

譚醫師解釋，正常卵巢功能係分泌雌激素同產生卵子，而雌激素、孕激素令女性月經來潮。

出現卵巢早衰，多由個人體質或免疫系統失調引起，患者40 歲之前就會開始停經⛔️。雌性激素分泌失常，會造成不少問題如臉部發黃、體態臃腫、陰道發乾、皮膚粗糙、髪枯脫落、胸部下垂等病徵。
 

相反，如果卵巢保養得好，正常分泌雌性荷爾蒙，可令面部皮膚細膩光滑、白裏透紅💯，同時保持彈性 ; 胸部會豐滿、緊實同圓潤，可見保養卵巢對凍齡嘅重要性。

譚醫師建議以下食品能保養卵巢 :

1.  含豐富維他命 E食品 
豆類、大麥🍞、蕎麥、葵花子油、芝麻油
 

2. 含維他命 B2食品
動物內臟、蛋類、豆製品

含維他命 B6食品
穀類、豆類、瘦肉 🥩
豆類食品可以補充天然植物激素，改善內分泌失調。
 

3. 蕃薯 🥔
含有一種類似雌性激素嘅物質及維他命 E，對保持皮膚細嫩、延緩衰老特別有效。

迎接更年期3個法寶 🙌

除咗卵巢早衰現象，隨著年齡增長，雌激素分泌自然地慢慢降低，彭溫雅醫師提醒，女士42歲時就要開始面對更年期保養。

中醫學說提到婦科與肝經、脾經、腎經相關，如果肝脾腎調理得好，身體會運作健康，彭醫師分享自己3個凍齡重點，就係食早餐、飲水同秒睡。

食早餐

每日都會喺7至9點食早餐，食粥去補中氣，《本草綱目‧粥記》載：「每日起，食粥一大碗🍵，空腹胃虛，谷氣便作，所補不細，又極柔膩，與胃腸相得，最為飲食之妙訣也。」，食粥會令白天更精神，脾胃更好，皮膚自然有光澤。

飲水 🥛

彭醫師認為，飲水甚至比起飲中藥更重要，每日飲2公升，避免身體長期缺水，影響運作。

秒睡 😴

最唔容易做到嘅一樣，彭醫師每日晚上11點到半夜1點間就會瞓覺，為咗放鬆心情❤️，假日會同家人去行山，日常生活中，亦學會釋放自己嘅壓力，保持正能量，盡量將注意力由外面嘅人同事轉移到自己身上，關注自己嘅需要。

舒緩更年期症狀

40幾歲女士會開始面對更年期症狀，如潮熱、情緒起伏、頭痛、瞓得唔好等，針對唔同症狀⚠️，吳明珠醫師建議唔同應對食材 :

潮熱

體內熱氣困住冇散發出嚟，就會導致潮熱，可用疏肝散熱嘅桑葉、清熱利尿嘅薏仁同利水消腫嘅黃豆，有效減輕不適。

情緒起伏

腎虛會引起肝氣鬱結，令氣血循環差，情緒容易失控😢，宜飲用玫瑰花茶。

頭痛、頭暈、瞓得唔好

滋陰清熱嘅木耳能改善頭部緊繃，但易腹瀉者就唔好食太多。
肝氣上升會引致瞓得唔好，可食滋陰降肝火嘅黑豆，同時可飲用薰衣草茶、玫瑰花茶🌹疏肝解鬱，或配合中藥處方，如加味逍遙散、甘麥大棗湯等，都可改善睡眠品質。

營養師養顏食療推介

營養學家黃薇認為，凍齡唔係淨係外表望落年輕，係要身體內在保養都好✔️，美貌同活力先會持久，如果唔想外強中乾，就要食得"有營"。

坊間有好多中式養顏食材為主嘅菜式，如雪耳、木瓜、燕窩、杏仁、蛋白🥚、花膠、紅棗同雞，喺營養學角度，呢啲食材含有優質蛋白質、對皮膚好嘅維他命同鐵質，但唔想食咗冇用，就要留意下🧐有冇用錯方法處理食材。

雪耳木瓜糖水

木瓜有豐富維他命A、C同纖維等，能抗衰老、改善皮膚彈性同清腸排毒，不過原來加熱會令養顏嘅維他命C、B雜同幫助消化嘅酵素消失。所以想美顏瘦身，木瓜都係原個生食最好。

鮮奶燉燕窩

高溫煮牛奶會令維他命B雜流失，如果再加糖🍬，仲會易令皮膚發炎同老化。

紅棗竹絲雞湯

好多食材入面嘅蛋白質、鐵質都唔會溶喺水入面，所以假如只飲湯唔食湯渣，係唔會❌有養顏功效，咁湯入面嘅營養價值都會比較低。

木瓜乳酪船

製法：將木瓜仔打直切開一半，去籽，以刀起果肉，切粒備用，木瓜殼保留 ; 將木瓜肉混入原味乳酪，倒回木瓜船內，灑上合桃碎或杏仁片即成 😋

功效：木瓜有美肌嘅維他命A 同C，而乳酪可益腸及有助瘦身，經常食有望清減肚腩。

蓮子黑豆薏仁排骨湯

材料

黑豆、薏仁各30公克、蓮子10克、豬軟骨200公克、枸杞5克
 

製法
所有食材放入鍋中，加2杯水蓋過食材後燉煮，以鹽調味即成。

功效

蓮子能補元氣，養心潤肺 ; 黑豆富含維生素E，可滋補腎氣，延緩老化 ; 豬軟骨有豐富蛋白質、鈣質，補充更年期所需養分。

按穴保養卵巢

譚醫師建議想凍齡同養宮嘅女士可以按👉以下2個穴位，以改善婦科症狀 :

1. 氣海穴

位置：體前正中線，臍下 1 寸半。

方法：拇指指尖放喺氣海穴處，先順時針按 2 分鐘，再點按半分鐘。每日 4 次，連續 3 日。

功效：有溫陽益氣、化濕理氣、扶正固本，培元補虛之功效。

2. 關元穴

位置：位於臍下 3 寸處（4 指橫放即為 3 寸）。

方法：拇指指尖放喺關元穴處，先順時針按 2 分鐘，再點按半分鐘。每日 4 次，連續 3 日。

功效：多用於舒緩泌尿、生殖系統病徵。

資料來源

外表比實際年齡小10歲！凍齡女中醫彭溫雅公開：我靠3招抗老回春，自己試過有效才分享     彭溫雅中醫師

熱潮紅、情緒起伏大、頭暈…凍齡女中醫吳明珠公開更年期保養方    吳明珠中醫師