長期胃痛可能係患癌先兆 ?

長期胃痛💢 可能係患癌先兆 ?

香港再一次榮登最過度勞累城市榜首，工作時間長🤢、生活壓力同食無定時係唔少香港人日常寫照，長期胃痛胃部不適十分普遍，如果病情持續，有機會係患上咗慢性胃炎，同時亦可能增加致癌風險。

陳泳豪醫師指出💬，有一位在職媽媽患者，已經有胃痛多年，做過胃鏡檢查，發現有慢性胃炎，除咗不時胃痛，夜晚仲會胃酸倒流，令睡眠質素變差日頭都唔夠精神。

西醫只係開止痛消炎藥，食完藥會好啲，但一唔食又係會繼續唔舒服😰，所以轉而試中醫治療，情況有好轉。

慢性胃炎有甚麼病徵 ?

慢性胃炎係由於胃黏膜慢性病變💀或萎縮性病變而導致，多數患者經常出現消化不良，或進食後會有上胃部飽脹或疼痛、胃氣、泛酸。

有一啲患者會有神經系統症狀如精神緊張、心情煩躁😡、失眠、心悸、健忘等，以上病徵都會加重慢性胃炎症狀，造成惡性循環，更難根治。

如長期胃炎發作，可能會出現以下併發症 :

1. 腸胃失調

患者對任何食物都唔想食，令身體長期都唔夠營養，引起其它腸胃疾病。

2. 胃酸分泌過多
口氣變得難聞 🥱。

3. 癌變
患了慢性胃炎，一定要及時就醫，防止胃黏膜腸上皮化生，形成癌症。

圖片來源 : 良醫健康網

慢性胃炎成因

彭愉康醫師提出，慢性病炎有以下病因 :

1. 胃黏膜受損
長期服用非類固醇類消炎藥、食太熱、太凍、太酸、太辣、太鹹食物、長時間飲濃茶、酗酒 🥃、食煙都會損害胃黏膜。

2. 感染幽門螺旋菌

3. 細菌、病毒同其毒素
細菌長時間喺胃內繁殖💥，引起慢性胃炎。

4. 年齡因素
年齡越大，慢性胃炎機會越高，因為老年人胃黏膜血管硬化同胃黏膜缺乏營養有關。

西醫治療除咗處方止痛消炎藥，亦會有制胃酸藥同促進胃蠕動藥物治療。✔️

消炎止痛藥 (圖片來源 : 大家健康網)

胃的重要性

中醫角度認為，脾胃係人體氣血「生化之源」👏，負責將食物轉化為人體氣血，所以如果有障礙就會令呢部分大受影響，亦令氣機升降失常，除咗會胃脹、胃痛，長期都會出現頭暈、精神不振、集中唔到精神。

中醫看慢性胃炎病因及治療

香港浸會大學發佈嘅一份研究報告指出中藥☘️可以令90%以上慢性胃炎患者有效改善症狀，彭醫師列出慢性胃炎有四大主要成因同治療配方 :

1. 胃寒 ❄️

受氣候寒冷或飲食寒涼影響，患者體質會「寒」，令寒凝氣滯，胃氣不通，不通則痛。

治療 : 服食良附丸，內裡材料高良薑可溫胃散寒，香附就可以行氣止痛。

2. 飲食不節

暴飲暴食 - 食物停滯於胃，消化功能失常，氣血阻滯不通⚡️
食太酸苦甘辛鹹食物 - 使胃部濕熱過盛，胃氣阻滯。

治療 : 食滯咗可服用保和丸，內裡材料山楂能消食導滯，而半夏、陳皮、茯苓可以健脾和胃。

3. 情志因素

肝主要負責調節情緒🌈，同胃有相剋關係，當人嘅壓力大情緒唔好，可能會出現肝鬱犯胃情況，引發胃痛。

治療 : 服用柴胡疏肝散，疏肝解鬱，和胃止痛👍。

4. 過度疲勞

會造成脾胃虛弱，使胃失溫養，發生胃痛。

治療 : 可用理中湯，內裡嘅乾薑、人參、白朮、甘草能溫中健脾。

圖片來源 : 明報OL網

針灸治療

陳醫師建議，唔同病因嘅慢性胃炎，可針唔同對應穴位 :

止痛、胃理氣💪 - 取中脘、內關、足三里穴位
食滯型胃痛 - 取下脘、天樞穴位
情緒引起胃痛 - 取太沖、陽陵泉穴位

耳穴貼 👂
喺耳郭，都有相應各臟腑組織嘅反應區，將耳穴貼痴喺耳穴嘅神門、胃、脾穴上，再按壓，直至產生麻、脹、痛等刺激感。