兒童體弱成因及特徵

孫素明醫師指出，兒童身體瘦弱有2個主要原因💬 :

先天因素

父母體弱或遺傳，可能係母親懷孕期患病、飲食不調，令胎兒營養唔夠或出現早產。

後天因素
兒童養成唔好嘅生活飲食習慣或患病，長久下令臟腑功能受損，免疫力下降⬇️，影響發育，智力同心理狀態都唔夠健全。

體弱的臨床表現
1. 消瘦、虛弱、唔夠氣、易病
2. 面色蒼白、出白斑
3. 睡眠不安、磨牙、說夢話
4. 發育遲緩

中醫調理方法

孫醫師建議中藥膏方同小兒推拿係主要對治方法 :
 

中藥膏方

會用補益氣血、調整臟腑功能嘅中藥湯劑，再加入蜂蜜🍯、飴糖，製成膏狀，供兒童長期服用。

小兒推拿
李樂怡醫師解釋，醫師進行小兒推拿時會刺激💢特定穴位，來調整小兒臟腑，達到理氣活血、舒暢經絡、健脾和胃、滋補肝腎、幫助身體成長同發育目的。

兒童穴位通常遍佈雙手，醫師會用輕快平穩力度按摩🤏，同時運用冬青膏或滑石粉去滋潤皮膚，有助提高療效。

6歲以下嘅小朋友已經可以做小兒推拿，可有效治療感冒、哮喘、腹瀉、便秘、厭食以改善體質。

兒童不宜進食太多的食物⛔️

陳洛醫師指出，一啲公認嘅健康食物，如蕃茄、藍莓、豆類、蕉🍌及核桃，家長都會俾小朋友食，但要留意份量，否則可能會傷害佢哋嘅脾胃同健康 :

蕃茄 🍅

益處 : 含豐富維他命C，有助預防心血管疾病同便秘。
食太多 : 酸性易刺激胃酸分泌，引起胃灼熱、腹痛腹瀉。

建議1歲以上兒童食用份量 : 每日唔多於一個。

藍莓

益處 : 含花青素，可鞏固視力，增強記憶力。
食太多 : 引起腹瀉⚠️。

建議1歲以上兒童食用份量 : 每日25g (5-10粒)。

豆類

益處 : 含豐富礦物質，有利骨骼生長✔️。
食太多 : 蛋白質較難消化，小兒脾胃仍未健全，易腹脹腹瀉。

建議1歲以上兒童飲用豆漿份量 : 每日不多於25g。

蕉

益處 : 蛋白質可增強抵抗力、潤腸通便。
食太多 : 蕉性寒偏濕💦，會損害脾陽，導致消化不良。

建議1歲以上兒童食用份量 : 每日一隻為上限。

核桃

益處 : 促進腦部成長🧠同提升記憶力
食太多 : 含油量高，易致肥及出現腹瀉。

建議1歲以上兒童食用份量 : 每日20g為上限。

健脾胃食療

身體較弱嘅小童如想增強體質，陳醫師提到先要脾胃好，當消化同吸收能力得到提升，就會攝取到足夠營養💪。

飲食習慣唔好、胡亂進補，都可能令脾胃受損，中醫稱為「疳證」，氣血津液皆耗傷，家長可用食療幫小朋友補脾胃，醫師推介以下食療 :

 

山藥蓮子粥 🥣

材料 : 淮山10克、蓮子10克、粳米100克
方法 : 搗碎淮山同蓮子，同粳米混合，再加水煮成粥。