夏日消暑養生妙法 🌈🍨

今年夏天5月開始,已有多日打破往年熱夜紀錄,熱夜係一日內最低溫度高過28度,代表炎夏☀️已經提早來到。
 

5月初立夏過去,之後就會到其餘五個夏季節氣小滿、芒種、夏至、小暑、大暑,可能會出現冇胃口、不停出汗💧、好攰等不適,中醫養生可以點舒緩身體暑熱情況 ?

炎夏養生重點

幾位中醫師提出,夏天主要需要防暑同保護陽氣,養生關鍵有以下三點 :

1. 安心寧神 
😚

夏屬火,與心向,係最適合養心嘅季節,中醫學入面嘅心,唔係淨係指心臟,亦包括我哋大腦中嘅思緒,如果心臟唔夠健康,情緒都會易受波動,可能會出現急躁、易怒、心煩、失眠,相反心情唔好都會加重心臟❤️負擔。因此夏季養生宜陶冶情操,修心養性。

 


想喺飲食上養心,倪詠梅醫師提出苦入心,苦味食物多屬寒涼,有降泄心火作用,因暑氣太盛會令心陽過亢,食適量苦味食物如苦瓜、芥蘭、蓮子心等,有助平衡心火,令心臟既有充足心陽,又不至心火太旺。

另外,夏天可食多啲紅色食物,『心在色為赤』,紅色食物有益於心,紅棗、車厘子
🍒、紅豆、山楂、蘋果、杞子、番茄等都對心臟有益。

 

2. 多食利濕、清熱食物

初夏以梅雨天氣為主,濕邪最重,容易侵襲脾胃,令腸胃功能受到抑制,消化功能同抵抗能力下降。李振輝監事長建議,早晚兩餐宜盡量清淡,清粥為最佳選擇,粥可生津止渴,清涼解暑。

 

同時,溫熱食物如薑、蔥、蒜🧄、辣椒、花椒、胡椒、五香料、牛肉、羊肉等都易上火,讓身體陽氣過盛,都要少食用。

如果想進補,要以清補為主,如用中藥決明子、金銀花、荷葉、烏梅。另外,為咗解暑利濕,綠豆、白扁豆、西瓜
🍉、黃瓜、苦瓜、鮮蓮藕、鴨肉都可以間中食下,有助紓解煩躁心情。

決明子 ( 圖片來源 :  良醫健康網 )

3. 適時午休

夏季晝長夜短,正午時分氣溫最高,成日會覺得好攰,建議可以午睡😴,快速地補充精力,最佳時間喺下晝一點,午睡長度以唔超過一小時為最好。

 

4. 避免正午時分運動

夏天可以做多啲戶外運動,加速脂肪燃燒,不過倪醫師提醒盡量避免正午時分運動,因人體運動時會生發陽氣,如再加上暑天陽氣,暑熱上頭易造成頭暈,甚至中風。
 

『暑氣通於心』,亦最易傷心⚠️,非常暑熱嘅天氣,會特別損害心陽,出汗過多會耗氣傷津,不適可以延續幾日。

圖片來源 :  匯流新聞網

點解夏天會特別冇胃口 ?

譚莉英中醫師解釋,夏天冇胃口食野係正常生理現象,身體為咗調節體溫,會令更多血液流向體表,因此內臟血液供應相對減少⬇️,影響胃酸分泌,降低咗消化功能,所以夏天飲食要減少油膩,多食開胃菜。

夏天出汗較多容易中暑,出現頭暈、心慌、氣短,甚至昏厥情況,除咗飲多啲水,仲可以飲用淡茶或淡鹽水,補充體液,促進血液循環同肝臟代謝。體質較弱人仕可用西洋參沖水飲
🍵,能益心氣,養心陰。

西洋參水

 

夏天易水腫原因

飲得太多凍飲同食生冷食物嚟消暑,加上生活工作壓力大、經常疲累同心情鬱悶,都係導致水腫嘅原因。屈珮珠中醫師解釋當脾胃功能唔好,會影響身體轉化水液功能,令水液溢於肌膚,出現水腫💦,而臨床經驗上,肝鬱脾虛同脾腎陽虛體質嘅人都較易有水腫。

水腫可能會出現喺頭臉、眼周、手腳,唔少食物如五指毛桃、淮山、桑寄生、綠豆、玉米鬚等都能有效袪水腫。屈醫師亦介紹可按壓偏歷穴及陰陵泉
,每次五分鐘,有助舒緩水腫情況👍

陰陵泉穴 ( 圖片來源 :  早安健康 )

偏歷穴 ( 圖片來源 :  維持美好的健康 )

譚醫師推介一啲夏季飲品同食療 🥣 :
 

1. 清熱祛濕湯

材料︰排骨500克、冬瓜500克、薏米80克、芹菜適量

 

方法︰將排骨同薏米放入高壓鍋加水,大火焗煮,轉細火壓製40分鐘再減壓開蓋,之後加入冬瓜開蓋煮20分鐘,最後加適量鹽、芹菜即成。
 

功效︰冬瓜能清熱解毒、利水消痰、祛濕解暑、減肥,配薏米食有美容效果。
 

2. 滋陰健脾湯 

材料︰乾淮山、蓮子、百合、桂圓乾各15克,芡實、大棗、玉竹各10克,冰糖一大匙。

 

方法︰除桂圓外,所有材料放入鍋中倒入3碗水,以中火煮滾,再改細火煮20至30分鐘。加入桂圓乾以細火煮2至3分鐘,最後加入冰糖即成。
 

功效︰芡實可補氣、健脾、祛濕 ; 玉竹有滋陰潤肺、生津養胃功效。
 

3. 祛濕開胃湯

材料︰小白菜500克、花膠兩個、鯽魚350克、茶花籽油、大地魚粉、薑片適量。


方法︰將燉好嘅花膠倒入鯽魚湯中,蓋鍋蓋大火煮滾後,倒入適量茶花籽油,加入適量大地魚粉,最後加入小白菜煮滾後即成。

功效︰鯽魚湯有助祛濕開胃、利水消腫,鯽魚豐富蛋白質、礦物質同維他命,易被消化吸收,一家人都啱飲。

⚡ 本 周 快 閃 優 惠 ⚡

  購買家庭湯包套裝 (美顏瘦身 / 強身保健),即送「甘い果」天然羅漢甘果一個

 

👉 全新家庭湯包系列 👈