情緒長期唔好😢  易有婦科病 ?

香港生活壓力大,婦女可能一兼數職,喺經常缺乏休息及放鬆下,有機會患上婦科疾病,常見嘅有子宮肌瘤、多囊卵巢綜合症同念珠菌感染,中醫有咩方法治療同舒緩症狀 ?

女性以血為本,生產、懷孕、月經都會損耗陰血 🩸,令陽氣亢盛、血虛氣盛,容易患上氣鬱,影響情志不舒。陳詩雅醫師指出,情志不舒係正常情緒,但如果過度就會致病,導致氣滯血瘀同氣血兩虛,增加患上婦科疾病嘅風險。

氣滯血瘀
出現痛經、月經量過多、月經延遲、不孕、婦科腫瘤疾病

氣血兩虛
損傷脾胃、月經量過少
、月經延遲、閉經

陳醫師建議,患者可做心理治療,同時保持精神愉快 
😎,就可以幫助調暢全身氣機,氣血運行得更順暢。

圖片來源 :  Humble Teaching Hearts

 

子宮肌瘤

子宮肌瘤係人體中最常見嘅腫瘤之一,通常發生喺30至50歲婦女身上,有1至4%會演化成惡性腫瘤 ⚠️,症狀有 :

-  腹部脹大,有下墜感
-  白帶增多
-  非月經週期性出血 
💢

譚莉英醫師提到,子宮肌瘤屬於中醫『症瘕』範疇,證型有 :
 

1. 氣滯

情志不舒,讓肝氣鬱結,停滯於子宮再形成肌瘤。
 

2. 血瘀

大怒傷肝、外邪侵襲等使瘀血留滯,停於子宮。
 

3. 痰濕

脾胃虛弱,無法運化體內水濕💦,因而阻塞子宮脈絡,痰血互結而出現肌瘤。
 

4.毒熱

 

淨血療法

由治療師喺脾腧穴位,搽上淨血藥液,再用針喺表層輕叩,等表皮有少少破損後⚡️,用負壓抽走瘀血,達到化濕排毒、祛瘀效果。

圖片來源 :  明報OL網

多囊卵巢綜合症


如突然增加體毛、暗瘡、皮膚變黑、月經失調,就要留意,可能係患上多囊卵巢綜合症。潘咨遐醫師解釋呢個病常發生喺20至40歲婦女 👩身上,屬於內分泌疾病,因代謝功能同女性生殖內分泌異常而導致。
 

中醫認為,病因係腎虛或腎精不足,如腎精虧虛,卵子會難以發育成熟同排出。加上肝、脾、腎三臟同時失調,令痰濕同瘀血停留喺人體內。
 

腎虛成因

先天不足、年老、勞累、食太多寒涼食物🍧 🍨

痰濕成因

暴飲暴食、食肥甘油膩、過甜食物。
 

3個證型


1. 腎虛痰濕

較為常見,月經量少、閉經、不孕、肥胖、多毛、白帶量多、腰膝痠軟。
 

2. 肝鬱化火 🔥

月經量少、閉經、不孕、毛髮濃密、多暗瘡、口乾面紅。

 

3. 氣滯血瘀

月經延後。

圖片來源 :  ihealth3 

中醫如何治療?

潘醫師建議,患者可根據4個唔同階段,如經前期、排卵前後、排卵後到經期前、月經時,同時服用中藥同做針灸,針對性地改善內分泌同提高排卵率。

養腎食療

< 蟲草花無花果瘦肉湯 >

材料 : 蟲草花40克、瘦肉500克、無花果4粒、水1.5公升
方法 : 所有材料加水煲滾,再轉細火煮1小時
💥,落鹽調味即成。
功效 : 補肺益腎、潤肺生津

念珠菌感染
 

75%女性會喺一生中至少感染1次念珠菌陰道炎😮,出現私處非常痕癢、尿頻、尿急、白帶增多、分泌呈豆腐渣狀,當中有45%女士試過復發,西醫會處方藥膏同塞劑去治療,病因有 :

1. 抵抗力下降

陰道原本已經有自我潔淨作用,但當病菌太強💪,或身體太弱,念珠菌就會致病。

2. 細菌感染

可能由公共地方、廁所或游泳池感染念珠菌。

3. 內褲過緊

緊身內褲會令陰部潮濕唔透氣,細菌容易滋生,有利念珠菌生長👽

4. 長時間唔換衛生巾

何慧潔醫師指出,中醫學嚟講,感染念珠菌主要有3個病因 :

脾虛濕困
分泌物稀薄無臭味、冇胃口
、進食後胃脹、大便稀爛。
 

< 淮山瘦肉湯 >

材料:白扁豆20g、鮮淮山100g、白果7粒、蓮子15克、瘦肉250g。

方法: 1.5公升水煮滾後放入所有材料煮1.5小時,加鹽即成。

功效:益氣健脾👍


腎陽不足
多分泌物、頭暈耳鳴、腰痛怕冷
🥶、夜間小便頻密。

蓮子核桃湯 >

材料:蓮子15克、芡實15克、核桃肉15克、白米半杯、肉桂粉1克。

方法:所有材料 (除肉桂粉) 加入1.2公升清水煮1小時,再加入肉桂粉同少許糖🍬即成。


濕熱下注
分泌物黏稠有臭味、心煩易怒、口苦、下腹痛、舌紅
👅


< 土茯苓綠豆湯 >

材料:綿茵陳15克、土茯苓15克、車前子15克、綠豆15克

做法:所有材料加入5碗水煮成1碗即成。

功效: 清熱袪濕,孕婦慎用。

鮮淮山 ( 圖片來源 :  Cosmopolitan )