🙌中醫教你K.O. ✔️氣管敏感型咳嗽

天氣凍咗好多，有時喉嚨乾涸或者有痰，都會有幾聲咳😷，可以食啲咩保養下呼吸道同氣管？

咳嗽係比較難搞嘅病症之一，通常要長啲時間處理先會好💪，而病因都有多方面，詳情可以參考 <究竟你係屬於邊類咳嗽？>

臨牀上咳嗽病症可分為5種，有風寒、風熱、痰熱、痰濕同風燥咳嗽👀，近來氣溫下降同乾燥，比較容易引起氣管敏感，屬於風寒咳嗽。
 

梁惠儀醫師解釋，過敏性體質嘅人會容易啲有氣管敏感，症狀通常有 :

• 喉嚨痕💢，特別係吸入冷空氣時會係咁咳，夜晚更辛苦咳得更多
• 氣促、乾咳無痰、鼻水較稀而色澤透明
• 手腳冰冷同畏寒❄️
   

氣管敏感成因

患者同時會有鼻敏感，濕疹，風疹等過敏病症，而發作原因分內外2方面 :

外因
主要係天氣問題，特別係秋冬轉季又乾又凍，或長期喺公司吹冷氣💨，或受致敏原影響，都會令氣管收縮而易咳。

內因

同肺脾腎虛有關、或長期唔夠休息，影響腎氣就會令人經常咳。

對於舒緩氣管敏感引起嘅咳嗽，好多人都會有唔少疑問💫，係咪要補肺？ 食枇杷膏止到咳？ 氣管敏感會變哮喘？ 中醫師Amy一一為你解說🗣。

謬誤1. 氣管敏感要補肺？

部分正確。中醫學說提到👉，「五臟六腑皆令人咳，非獨肺也」，說明唔係只有肺弱令人咳。咳嗽有痰，係因為脾虛，而氣促，就係腎臟納氣不良，引致呼吸🚫唔暢順。要醫治氣管敏感，可以食補脾益氣同補腎納氣嘅食療，比補肺更重要。

謬誤2. 氣管敏感會變哮喘？

氣管敏感係反復咳嗽，多數喺早晚發生，喉嚨痕癢，聞到煙味🚬或吸入冷空氣就咳得更頻密 ; 哮喘病徵會比較嚴重，喉嚨哮鳴音、呼吸氣促困難，此病多為遺傳，患者往往由童年👶開始發病。可哮喘係會有氣管敏感情況，但氣管敏感就未必會演化到哮喘。

謬誤3. 坊間食療有效止咳？

有時患者有咳，病情較輕又未必想去睇醫生，就會試下坊間食療。最常見嘅係食用川貝枇杷膏同川貝冰糖燉雪梨🍐。Amy中醫師提醒，食用可能會加重氣管敏感患者病情 !

川貝枇杷膏成份有桔梗、沙參、枇杷葉、川貝、款冬花、半夏、薄荷、蜂蜜🍯等，有生津、止咳、潤燥功效。整個方子偏於涼性，只對風熱之邪導致嘅咳嗽有效，例如有喉嚨痛同黃痰嘅患者。但氣管敏感屬於寒性咳嗽，川貝枇杷膏會導致患者寒上加寒，咳嗽氣喘更難好😅。

川貝冰糖燉雪梨同枇杷膏一樣都可以生津潤燥，但一樣係寒性，只對風熱咳嗽有幫助。Amy中醫師建議，如果大家都冇氣管敏感或咳嗽，就可以當係一種養生方法去預防咳嗽，滋陰潤燥。

氣管敏感引起咳嗽食咩好？

可以飲接骨木花茶🌾，性質溫和，有鼻敏感，氣管比較弱人士啱飲。接骨木花來自歐洲，歐洲人有幾個世紀都用接骨木花，專門治療咳嗽、感冒、鼻敏感同支氣管不適💯。

接骨木花主要功效有︰

• 順喘止咳
• 保護氣管
• 提升免疫力
• 舒緩流感、鼻敏感
• 舒緩喉嚨、口腔發炎
• 排走壞膽固醇
• 穩定血糖
• 減慢身體氧化

接骨木花如果加埋羅漢甘果或蜜糖一齊沖，增加甜味之餘功效更佳😍。

想知更多潤喉止咳食療，可以參閱以下資料同短片，余德丞化身KOL為你介紹 !

資料來源
 

究竟你係屬於邊類咳嗽?  良茶坊養生花茶

氣管敏感咳到冇時停！飲川貝燉雪梨冇用？中醫解構坊間治咳偏方和謬誤（上集）｜食是食非 梁惠儀Amy中醫師