食糖多會有糖尿病 😢 ? 破解4大迷思

糖尿病患者有年輕化現象,患者除咗用傳統打針食藥療法,亦開始合併中醫治療,嘗試針灸及天然食療等,來控制血糖,以下由註冊中醫師同你分享🗣方法及食譜。

糖尿病知多啲 🙌

根據香港糖尿聯會資料,香港有70萬名糖尿病患者,而糖尿病亦係香港十大致命疾病之一。

 

糖尿病分一型二型:
 

一型糖尿病係由免疫系統問題所致,胰臟唔能夠分泌出足夠胰島素,去分解尿液中嘅糖分,導致血糖升高。
二型糖尿病主要係由飲食習慣、家族遺傳同肥胖所致。

如果處理唔好病情,可能會導致糖尿上眼、糖尿脚、腎病同心血管疾病等併發症,普遍嘅治療方法都係靠打針食藥去控制血糖。

中醫學睇糖尿病

巢醫師指出,消渴病即係糖尿病,由於先天條件不足,加上情志失調😰、飲食不節等原因,導致陰虛燥熱,典型臨床表現為多尿、多飲、多食、乏力、消瘦,可將消渴病分為上消、中消、下消三大類 :

 

上消
屬肺熱津傷,口舌乾燥,成日口渴要飲野,尿頻量多,煩熱多汗。
治法:清熱潤肺,生津止渴。

 

中消
屬胃熱熾盛
🔥,容易肌餓要成日食野,形體消瘦,口渴,大便乾燥。
治法:清胃瀉火,養陰增液

屬氣陰虧虛,尿頻量多,小便混濁,腰膝痠軟,四肢欠溫,畏寒肢冷。
治法:滋陰溫陽,補腎固澀。

 

下消
屬腎陰虧虛,煩渴多飲,尿頻量多,小便白濁,皮膚乾燥,腰膝痠軟。
治法:滋陰固腎

屬陰陽兩虛,尿頻量多💧,小便混濁,腰膝痠軟,四肢欠溫,畏寒肢冷。

治法:滋陰溫陽,補腎固澀。


巢醫師解釋,中醫治療糖尿病,主要係令人體陰陽氣血同臟腑津液平衡,從而改善體質、緩解症狀、穩定血糖水平及減低糖尿病併發症發生機會,飲食調節同運動養生都係有效嘅治療方法✔️

 

糖尿病迷思

迷思1
糖尿病患者一定會有症狀 ?

糖尿病徵狀通常係渴、多尿、多吃同體重減輕,但原來大部份患者未必會有明顯病徵,所以如有糖尿病風險包括家族史、年紀大、肥胖、缺乏運動人士,最好定期做相關檢查。

迷思2
糖尿患者係咪要戒食水果 ?

雖然所有水果都含有果糖,但其實水果富含營養、纖維,可增加飽肚感,更有助穩定血糖,所以唔需要戒食,只要留意食嘅種類同份量就可以。

迷思3
成日食甜野,會容易患上糖尿病?
食甜野係唔會直接增加患糖尿病機會,因為糖尿病主要成因係胰島素分泌不足,令身體難調節糖分水平。

迷思4
體重較輕、身型瘦,唔會患糖尿病 ?
美國國家衛生研究院報告指出,體重與糖尿病無絕對關係。黃醫師亦表示血入面糖分增多,引致細胞裡面剩番好少糖分,令有啲細胞唔夠有足夠營養而萎縮,所以糖尿患者一般都很瘦。

 糖尿病針灸治療 

黄醫師提出,針灸係其中一個降低血糖嘅方法,原理係刺激迷走神經,使身體能正常分泌胰島素,控制血糖,係以加強人體自身免疫力為原則,當身體變得更強壯,就更有能力消除或抑制病症。

 

按照每個患者嘅臨床病徵,會扎瞻經、膀胱經、肝經,刺激💢光明、足三里、環跳、腎俞、天樞、太衝、陰陵泉等穴位,去加強脾胃、眼睛、肝等功能,嚟減輕糖尿病情。

 

糖尿患者肝腎功能、脾胃功能、消化功能都冇咁好,所以當經絡打通,代謝就會更好,令病情受到控制。

天然食療宜忌

巢醫師建議,糖尿病患者可選擇具有清熱生津、益氣養陰功能嘅食物,如菠菜、蘿蔔、苦瓜🥒、冬瓜、粟米🌽、山藥、海參、鯉魚及鴨肉等。

有痰者,可常食一些化痰食物,如蘿蔔、梨、杏仁、絲瓜;伴有血瘀者,可常食一些具有活血化瘀作用食物,如紫茄子🍆、藕、木耳等。

但要避免食太多辛辣助熱食物,如薑、椒、韭、酒,平時飲食要清淡,不過鹹過甜。

藥膳推介


< 沙參麥冬湯 >
材料:北沙參30克、麥冬30克、玉竹15克、山藥30克、地骨皮10克、瘦豬肉300克。
方法:將全部材料放入1000毫升清水
💦內煮滾,煲約2小時,加鹽調味即成。
功效:滋陰潤燥。

< 生脈湯 >
材料:五味子15克、麥冬20克、人參10克、瘦豬肉100克。
方法:將全部材料放入500毫升清水內煮滾,煲約1小時,加鹽調味即成。
功效:益氣養陰。

糖尿病患者都可以食嘅糖- 羅漢果代糖

 

糖尿病患者或想減肥人士都會控制自己唔好食太多甜食,實在對糖🍭 🍬又愛又恨,而羅漢果代糖嘅出現令大家可以多一個選擇,能夠繼續適量享用甜品。

 

註冊營養師黃凱詩表示,市面上可食用嘅代糖都有一啲化學成分,雖然係安全但都有唔少人抗拒,而羅漢果代糖係一種天然代糖,又係零熱量,更為健康👌

 

羅漢果代糖係將成個羅漢果去皮去核,再抽取當中汁液,佢嘅甜度高,極小量已經達到所需嘅甜味,最重要係呢種代糖係唔會俾人體吸收,所以唔會影響血糖,糖尿病患者都可以食用。喺美國,羅漢果糖被稱為安全食用的代糖,小朋友、孕婦同哺乳期媽媽都能安全使用。

資料來源

糖尿病的中醫食療及運動保健   巢朝棟中醫師

 

【糖尿病原因】水果多吃無妨?體重較輕不會患病?一文拆解糖尿病5個常見謬誤

衛生防護中心、香港教育專業人員協會、香港糖尿聯會、台灣財團法人嘉義基督教醫院糖尿病中心

 

黃凱詩:糖尿病人也可吃的羅漢果代糖   黃凱詩營養師

針灸防治糖尿病(三)  黃錦君中醫師

 

預防糖尿病 先要攪清甚麼是糖尿病   良茶坊養生花茶