🍧🍟 寒熱食物要點食 ?  🙋🏼‍♀️
 

多位註冊中醫師都提到人嘅體質,唔係分寒熱咁簡單,之前有一篇文章都為大家探討過 👉👉👉 < 擊破謬誤: 體質係無分寒底熱底?! >

唔少人除咗關注寒熱體質,都會比較留意食物嘅寒熱性,一齊嚟睇下 !

坊間普遍流傳,都會用以下寒熱性質為食物分類 :

熱性食物

肉類:動物脂肪、芝士🧀 、火腿、肉腸

調味料:姜、辣椒、花椒、胡椒、酒 🥂、咖啡、醋


寒性食物

肉類:馬肉、螃蟹、生蠔、蜆

蔬菜:茄子 🍆、蓮藕、黃瓜、白菜

水果:柿子、西瓜、菠蘿🍍、梨

調味料:鹽、醬油

 

但隨住食物多樣同複雜化,又加咗唔同添加劑,其實已經好難好似以上寒熱二分法咁分。

 

如果想更準確去分,又可以用咩方法同量度標準? 好值得大家去深思。

 

李宇銘中醫師提出,有以下5個飲食要點大家可以留意:

 

1. 食物特性 - 食物 VS 藥物 💊

 

0(平和)————0.5(一般寒)————1(大寒)

                  【食物】                         【藥物】

 

0 – 0.5 性質平和,屬於食物類別;0.5 – 1 性質較強,係藥物類別。西瓜🍉係寒性食物,但最多只處於0.5或以下位置;黃連、石膏係「大寒 ❄️」嘅中藥,就喺1嘅位置。

李宇銘中醫師

2. 食用份量 ⭐️

 

除咗食物特性,食嘅份量都會有影響。好似食一個同一片西瓜,寒性程度差別都好大。

3. 駛唔駛每一餐都食到寒熱平衡?
 

李醫師建議,除非係身患重病,咁飲食就要比較謹慎平穩,而一般人實在唔需要🙅🏻‍♂️ 太擔心。

4. 寒熱食物會互相抵消?
 
之前提到,每個人都會出現混合性體質 🙆🏻‍♀️,寒熱並見,所以無論中醫用藥或食野,都唔需要特別偏埋寒或熱一邊。
 
李醫師指出,同時食寒熱食物,係未必會互相抵消💪🏻,主要睇藥嘅特性同用於身體嘅部位。
 
例如,服藥之後,可能有寒藥喺身體入面向上走📈 、熱藥向下走📉,咁就唔會抵消。但如果兩者去嘅部位相同,咁就可能會抵消。
5. 身體能自己調節寒熱  💖 ?
 
人體寒熱並見,未必一定要由飲食方面去調節,身體有時都會通過唔同方法去平衡 :
 
小便偏黃
反映體質偏熱 🔥,但亦代表體內嘅熱,由小便排出體外。
 
生痤瘡
食太多熱氣野,含膿生瘡都係一種驅除熱毒☠️嘅方法。