食嘢食得啱😋磅數容易減😍消脂食材推介👍👍👍

一連幾日長假期，唔少得同親朋好友食大餐慶祝，加上疫情下做少咗運動，磅數節節上升😱！唔洗怕，一齊聽聽幾位專家有咩妙計！

潘醫師提出，喺中醫學角度，原來肥胖都分幾種，主要成因係先天不足或年紀漸大造成脾腎功能失調，加上飲食習慣不良、情緒唔好、缺少運動，導致人體正氣虛衰😵、陽氣虛損、脾胃失調，身體產生痰濁、水濕、氣滯或血瘀情況而致肥。

中醫透過「望、聞、問、切」四診，先判斷病人屬於邊種肥胖證型，然後搵出適合嘅治療方法，如配合唔同中藥、針灸或拔罐。以下係5大肥胖類型🗣：

1. 脾虛濕阻

特徵：身體浮腫、冇精神、週身無力、腹脹無胃口、尿少大便爛

治法：健脾化濕💦。
 

2. 胃熱濕阻

特徵： 頭暈、腹脹頭脹、口乾鍾意飲水、大便秘結、成日肚餓

治法：清胃泄火。
 

3. 肝氣鬱結

特徵：煩燥易怒😡、胸脅苦悶、胃脹、腹脹、無胃口、月經失調

治法：疏肝解鬱。
 

4. 痰濁中阻

特徵：平時鍾意食肥膩煎炸食物、腹脹胸悶、頭暈頭脹、手腳麻痹、咳吐黏痰

治法：健脾化痰。
 

5. 脾腎陽虛

特徵：怕凍、手腳冰冷、乏力🥱、腹脹無胃口、肢體浮腫、腰膝痠軟、尿少大便爛

治法：溫腎健脾。

相信唔少人都試過減肥，但如果方法唔適當❌，輕則減唔到重，重則有害健康或者越減越肥😱 ! 以下係一啲節食謬誤~

1. 食多啲沙律同生果，或用斷食法，可以好快減到磅 ?

桂醫師解釋，節食係常見嘅減肥方法，但食太多沙律生果🍉或實行斷食法，會令脾胃功能減弱同損害功能，形成脾虛，雖然喺短時間內減到重但體重容易反彈，更可能形成痰濕易肥體質，分分鐘越減越肥。

2. 戒白飯🍚同澱粉質，先減輕到體重？

註冊營養師解釋，咁係唔啱，好多人以為食白飯會肥，但其實一碗飯卡路里只有200 卡，但有汁嘅菜🥦熱量同脂肪會更高。如果淨食餸唔食飯，反而可能吸收得仲多。加上唔食飯會唔夠飽，飯後又會食零食，咁就會更肥。

3. 日日要磅重🎯？

最好一星期先磅一次。磅數係受好多因素影響，可能係因為前一晚吸收多咗鹽份，第2日水腫就會重咗1、2磅。有時食得清，又未必會即時喺磅數度反映到。

日日上磅，未必睇到真實情況之餘，更會影響心情🤩同對飲食嘅判斷。

4. 淨係節食咪得？

淨係用節食做唯一減肥方法，就算磅數下降都會較易反彈😓。但如果加埋做運動，就可以有助維持磅數，同時身型線條都會好啲。唔想跑步，平時行多啲樓梯，快步行返工同放工，其實都有運動量。

而家越來越多人用食療養生，潘醫師指出有部分超級食物 (superfood)都有減肥消脂作用：

1. 山楂
食太多野之後食，可消滯🤗，促進脾胃消化，避免形成痰濕易肥體質。
胃炎、消化系統潰瘍患者及孕婦慎用。
 

2. 海帶
有令人消瘦功能，但記住食完之後唔好飲茶或食酸野，否則會妨礙鐵質吸收。
 

3. 冬瓜
肥胖人士多有內熱🔥，食冬瓜可清熱解毒、利水消腫。
 

4. 普洱茶
有消脂、健脾消食功效。
​

5. 決明子
性質甘寒質潤，可潤滑大腸而通便👍，但易泄瀉或低血壓人士慎用。

除咗以上減磅食材，桂醫師推介幾個比較健康又飽肚嘅減肥餐單，等大家都可以keep住當正餐食🌈，持續食更有效果 !

<赤小豆山藥梗米粥> 

材料：梗米50g、赤小豆30g、山藥30g

方法：全部材料放入鍋入面，加入適量清水，大火煮滾後，轉細火煮至成粥即成。

功效 : 健脾益氣、生津祛濕

適用 : 脾虛水腫肥胖人仕

材料：海帶、黑木耳各15g、瘦豬肉30g

方法：瘦豬肉汆水，全部材料放入鍋入面，加入適量清水，大火煮滾後，轉細火煮1小時，調味即可成。

功效 : 利水消腫，潤燥通便

適用 : 便秘肥胖人仕

材料：決明子12g、山楂9g

製法：所有材料加適量水，煲20分鐘即成

功效 : 消食化積、潤腸通便

適用 : 胃熱、有口臭便秘嘅肥胖人仕

資料來源
 

【減肥大作戰】中醫教分「肥胖症」5種體質 推薦6種中藥Superfood消脂減肥 潘健燊中醫師
 

【運動醫學】跑步後飲冰水較易肥？即睇中醫師拆解4大健康謬誤 曹信恩中醫師

中醫建議3個健康減肥餐單附食譜！4個中醫減肥飲食減磅去水腫除口臭 桂綺樺中醫師

愈減愈肥？拆解六大謬誤減肥 謝詠瑩註冊營養師

良茶坊養生花茶編緝部