❄️氣溫急降🥶 👋🏻 5大暖身(心)小秘技🥰陪你同步過冬☃️

大家好！每年11月就係「立冬」同「小雪」兩個節氣，即係冬天正式嚟喇，今日就同大家講下冬天養生嘅重點注意事項，特別係點樣養腎同埋有咩湯水食療啱飲。

冬天養生要「養腎」？

根據中醫理論，「腎」主藏精，為人體生長、發育、生殖之源；生命活動之根，故稱為先天之本，是冬季所主臟府，指的是整個系統，並非腎臟單一器官。「腎」可維持體內水液平衡；「腎」亦影響骨骼、牙齒、頭髮生長；「腎」功能良好使人精力充沛。冬天「養腎」嘅意思係幫助我哋身體儲存能量，為來年嘅健康打好基礎。 我哋集合咗幾位中醫師嘅建議，整理咗幾點同大家分享：

醫師提醒我哋，冬天唔係著得越多越好。著得太多會出細汗，反而會損害腎臟。最好就係著得保暖但唔會感到悶熱，咁先至啱。保暖重點係保護核心體溫，加件背心勝過穿上大衣。底層穿貼身衣服包住身體，以防止熱力透過傳導流失。上面的衣服就應該鬆身一點，留一點空間儲存暖空氣。最外層就應該盡量防風防水，用來困住空氣。如果外出大風🌬️，咁就要帶埋頂帽啦！

小雪時節，可適當進食溫補而相對平和之品，例如雞肉、豬肉、核桃、腰果、栗子、桂圓、黑芝麻、黑木耳、黑桑椹子等。洋蔥、辣椒、青椒等也可以促進血液循環，有助暖身。進補之餘亦要講究平衡，冬季天氣寒冷，人體腸胃內卻容易生熱，加上活動較少及進補，內熱容易積聚。此時進食蘿蔔，可調理脾胃，平衡內熱。歐防風 (Parsnip) 都係一啲好合適嘅食材，可以用來煲湯或炆肉。

以下幾款湯水食療都好適合冬天飲用：

- 袪濕健脾補氣茶：不寒不燥，適合每天飲用

- 薑棗紅糖茶：暖胃驅寒，補氣血

- 桑椹桂圓杞子茶：滋陰養顏，補而不燥

- 藥膳雞湯：行氣活血 保健驅寒

- 靈芝黨參補氣湯：補中益氣 改善睡眠 舒緩疲勞

如果你好容易食少少溫補食材都會火起，可以先飲返一啲滋潤嘅花茶、湯水去⚖️平衡返先。例如🍇桑椹子，🍐雪梨茶，🍈羅漢甘果等。等身體燥熱感減退後，先加入適量溫補食材去調理會更合適。

記住三步曲：1️⃣ 先清 2️⃣ 後調 3️⃣ 再補

如果咁好彩遇到溫暖陽光出嚟，不妨走到戶外做吓緩和嘅運動，例如散步、瑜珈、太極拳、八段錦等，讓陽光照在後上背以及後頸部嘅大椎穴，可養護自身陽氣，同時吸收真正嘅陽氣。

如果遇唔到陽光，可在後頸 (大椎穴)、腳板底 (湧泉穴) 貼暖包，有助提升陽氣。

寒流來時也可以用風筒 (暖風) 吹湧泉穴和大椎穴保暖，有助驅寒。

頸背除咗係大椎穴所在，脊椎骨亦是為「督脈」，主管身體陽氣。淋浴時，沿後頸淋熱水至後背，可令身體更暖和。

我哋頸部有三個與風關係非常密切嘅穴位 (風池穴， 風門穴， 風府穴)，後頸著容易讓身體吸入寒氣。所以大家尤其要注意後頸的保暖。如有傷風感冒症狀，可以按呢組穴位。

每晚臨瞓浸腳都係一個好好嘅習慣，可以幫助末梢血液循環，令到全身暖笠笠。可以暖水加薑和鹽浸腳，如果想瞓得更加好，亦可加入玫瑰花、茉莉花、薰衣草等，宜浸至貼近膝蓋以下位置。

瞓醒落床前，腳趾上下活動20次，然後抬起腳畫圓圈10次，將大腿收緊放鬆重複10次，咁樣活動全身肌肉，令血液循環更好，落床後就唔會覺得太凍。

嚴冬之時，人體陽氣處於收藏狀態，加上漫長嘅黑夜，容易使人情緒低落，故在沒有陽光的情況下，儘量使工作環境或家居佈置明亮、光線充足，有助調節情緒，減輕或消除憂鬱感。適量的戶外活動、多聽節奏輕快的音樂亦有一定幫助。如有需要，可找家人或朋友傾訴，舒解內心鬱結。

記住呢幾點，相信大家今個冬天一定可以過得健健康康啦！祝大家身體健康，冬天快樂！