踢走宮寒💪3招舒緩M痛 

作為女性，經痛💢可以係由十幾歲至更年期嘅問題，痛嘅程度能夠反映到身體同子宮健康狀況，想改善必須對證下藥，由調節飲食習慣做起。

即check經痛程度 🕵️‍♂️

婦科專科醫生方醫生表示按症狀可分為3種經痛程度，0係唔痛，10係最痛 :

1-3級：輕微經痛

小腹、腰酸痛，但唔影響❌正常生活同工作。

4-6級：中度經痛

小腹、腰疼痛嚴重，想嘔，食止痛藥後會感覺好一啲。

7-10級：嚴重經痛

小腹、腰疼痛難以忍受，一定要卧床休息。標冷汗、頭暈、冇力、嘔吐腹瀉，食止痛藥💊都冇用。

中西醫學解釋經痛 🗣

由於子宮肌層或子宮內膜嘅前列腺素分泌過度，使肌肉收縮，再加上子宮肌肉缺血 🩸，造成痛楚。

婦科專科醫生建議，如果經痛嚴重，要去檢查有冇婦科問題，如子宮內膜異位症、盆腔發炎、子宮腫瘤、子宮腺肌病、子宮先天性畸形等。

西醫將經痛分為「原發性痛經」同「繼發性痛經」兩種，中醫則根據「不通則痛」、「不榮則痛」理論 :

「不通則痛」
子宮💨氣血運行不暢

「不榮則痛」
子宮唔可以獲得足夠血液濡養，造成缺血疼痛😢

周醫師提出，痛經唔係單係子宮問題所造成，而係全身五臟氣血都可能有問題，中醫學認為月經唔同嘅疼痛感覺，可作為鑑別患者體質✔️，大致分為4種經痛體質 :

1. 肝氣鬱結

乳頭同下腹喺月經前後有脹痛感，代表氣機唔通暢，稱為「氣滯」⚠️。中醫理論認為「乳房屬胃、乳頭屬肝」，如果乳頭脹痛，多為「肝氣鬱結」，通常係因為情緒壓力所造成。周醫師建議，適當嘅情緒發洩😭係疏肝理氣嘅好方法，而花草茶對肝氣鬱結型好有幫助。

2. 血瘀阻滯
 

血瘀🚧係經痛最常見嘅原因，乳房同下腹刺痛，或者患上子宮肌瘤、子宮內膜異位而產生經痛都係屬於「血瘀」。子宮因血瘀而導致不通，經血無法下行，引起刺痛🤯，中醫會以活血化瘀為醫治方針。

3. 下焦實寒

以下病徵係由「實寒❄️」所造成 :

• 下腹收縮感覺非常強烈同痛
• 經血有大量血塊
• 小腹摸起嚟有啲涼💨
• 痛到嘔吐

子宮最鐘意溫暖環境，但如果成日食寒涼食物會令子宮冷痛，可貼上暖貼🔥同食療幫助舒緩。

4. 氣虛虛寒

病徵 :

• 經期下腹疼痛感覺唔強烈，只係隱隱作痛🙈
• 當經血量減少而會冇咁痛
• 按壓腹部，疼痛感會改善👍
• 平時行路覺得唔夠氣，間唔中不自覺深呼吸

你有冇宮寒 ?
 

以上經痛體質往往同宮寒⛄️有密切關係，而經痛只係其中一樣宮寒病徵，其餘病徵有 :

• 手腳長期冰冷，下腹寒冷，按壓時有唔舒服感覺🙅‍♀️
• 白帶清稀量多
• 不孕，由於子宮溫度低，精子與卵子唔容易結合
• 腰酸腿軟，小便較多，有夜尿，腎氣唔夠⛔️
• 腰腹肥胖。子宮熱量唔夠，脂肪會囤積腰腹保暖，形成肥胖

改善宮寒3招
 

第一招
身體偏冷時，可以食多啲補氣暖身食物，如桂圓、紅棗、花生🥜、核桃、薑，等先天不足由後天嘅高能量嚟補足。

第二招

而月經量唔算太多人士喺經期前後建議飲用 <桂圓紅棗茶>，補氣補血；經期期間就飲 <薑棗紅糖茶> 🍵，能驅風化痛，令月經排乾淨，如果係經血量多人士就可以喺非經期期間飲用。

第三招

另外冬天天氣寒冷，如果覺得身體有受寒現象🥶，建議快啲飲一杯暖身花茶如 <黑桑椹桂圓杞子茶> 或 <老薑絲> 驅走寒氣。

資料來源

【M痛十級痛】經痛痛到暈痛到嘔　婦科醫生按症狀分經痛程度3級表【附成因及紓緩方法】  婦產科專科醫生方秀儀

經痛原來有4種！中醫教你辨認體質找痛點，4穴道舒緩症狀    周宗翰中醫師

你是"宮寒一族"嗎？   良茶坊養生花茶